கோவையில் 17 பேர் உயிரிழந்த விவகாரம் : ஆட்சியரிடம் தொலைபேசியில் பேசிய மு.க.ஸ்டாலின்

கோவையில் 17 பேர் உயிரிழந்த விவகாரம் தொடர்பாக அம்மாவட்ட ஆட்சியரிடம் தொலைபேசியில் தொடர்பு கொண்டு மு.க.ஸ்டாலின் பேசியுள்ளார்.

திமுக தலைவர் மு.க.ஸ்டாலின் மேட்டுப்பாளையத்தில் சுவர் இடிந்து உயிரிழந்த 17 பேரின் குடும்பங்களை நேரில் சந்தித்து ஆறுதல் கூறினார். இதன் பின்பு கோவை மாவட்ட ஆட்சித் தலைவர் ராசாமணியை தொலைபேசியில் தொடர்புகொண்டு  திமுக தலைவர் மு.க.ஸ்டாலின் பேசுகையில்,17 பேர் உயிரிழந்த சம்பவத்திற்கு காரணமாக இருந்த வீட்டு உரிமையாளரை உடனே கைது செய்ய வேண்டும். பாதிக்கப்பட்ட மக்கள் வைக்கும் கோரிக்கைகளை உடனடியாக பரிசீலனை செய்து நிறைவேற்றித் தரவேண்டும். பாதிக்கப்பட்ட மக்களுக்கு உரிய நிவாரணங்கள் வழங்கவும், அவர்களுக்கு அரசுப் பணியில் உரிய வேலைவாய்ப்பினை பெற்றுக் கொடுக்கவும் வேண்டும்” என்று தெரிவித்தார். இதற்கு பதிலளித்த மாவட்ட ஆட்சித் தலைவர், “சம்பந்தப்பட்டவர்கள் மீது உரிய நடவடிக்கை எடுக்கப்படும்” என உறுதியளித்துள்ளார் என்று தெரிவிக்கப்பட்டுள்ளது .