விக்கிரவாண்டி மற்றும் நாங்குநேரி தொகுதி : 5 நாட்கள் பிரசாரம் மேற்கொள்கிறார் ஸ்டாலின்

விக்கிரவாண்டி மற்றும் நாங்குநேரி தொகுதிகளில் தலா 5 நாட்கள் பிரசாரம் செய்கிறார் திமுக தலைவர் ஸ்டாலின்.

நாங்குநேரி, விக்கிரவாண்டி தொகுதிக்களுக்கு அக்டோபர் 21-ம் தேதி இடைத்தேர்தல் நடைபெறும் என்று தேர்தல் ஆணையம் அறிவித்தது.திமுக தலைவர் மு.க.ஸ்டாலின்  விக்கிரவாண்டி தொகுதியில் திமுக போட்டியிடும் என்றும்  நாங்குநேரி தொகுதியில் காங்கிரஸ் போட்டியிடும் என்றும் தெரிவித்தார்.இதனால் விக்கிரவாண்டி சட்டப்பேரவை தொகுதி இடைத்தேர்தலில் திமுக சார்பில் புகழேந்தி போட்டியிடுகிறார்.ஆனால் காங்கிரஸ் வேட்பாளரை அறிவிக்கவில்லை.

இந்நிலையில் விக்கிரவாண்டி மற்றும் நாங்குநேரி தொகுதிகளில் தலா 5 நாட்கள் பிரசாரம் செய்கிறார் திமுக தலைவர் ஸ்டாலின். விக்கிரவாண்டியில் அக்.3, 4, 17, 18, 19-ம் தேதிகளிலும், நாங்குநேரியில் அக்.5, 6, 12, 13, 14-ம் தேதிகளிலும் பிரசாரம் மேற்கொள்கிறார் மு.க.ஸ்டாலின்.