எஸ்எஸ்ஐ பூமிநாதன் கொலை வழக்கு: முக்கிய குற்றவாளி நீதிமன்றத்தில் ஆஜர் ..!

எஸ்எஸ்ஐ பூமிநாதன் கொலை வழக்கில் முக்கிய குற்றவாளியான மணிகண்டன்(19) நீதிமன்றத்தில் ஆஜர்படுத்தப்பட்டார்.

எஸ்எஸ்ஐ பூமிநாதன் ரோந்து பணியில் ஈடுபட்டபோது நேற்று அதிகாலை வெட்டி படுகொலை செய்யப்பட்டார். குற்றவாளிகளை பிடிக்க தனிப்படை அமைக்கப்பட்டது. நவல்பட்டு குற்றவாளிகளை 4 தனிப்படைகள் அமைத்து தேடிவந்தோம். 3 பேரை கைது செய்துள்ளோம். அதில் 2 பேர் இளம் சிறார்கள். வழக்கில் தொடர்புடைய பொருட்கள், ஆவணங்கள் பறிமுதல் செய்யப்பட்டுள்ளது.

தடயங்கள் அடிப்படையில் மூன்று பேரை கைது செய்துள்ளோம். நீதிமன்றத்தில் ஆஜர்படுத்துவதற்கான பணிகள் நடக்கின்றன என்று பிற்பகல் மத்திய மண்டல டிஐஜி சரவண சுந்தர் தெரிவித்தார். இந்நிலையில், இந்த வழக்கில் முக்கிய குற்றவாளியான மணிகண்டன்(19) நீதிமன்றத்தில் ஆஜர்படுத்தப்பட்டார். விசாரணைக்கு பின் இளைஞர் மணிகண்டனை கீரனூர் நீதிபதி  முன் காவல்துறை ஆஜர்படுத்தியது.