ஆன்லைன் சூதாட்ட தடை சட்டத்திற்கு தடை.? சென்னை உயர்நீதிமன்றத்தில் வழக்கு.!

ஆன்லைன் சூதாட்ட தடை சட்டதிற்கு தடை விதிக்க வேண்டும் என விளையாட்டு நிறுவனங்கள் சென்னை உயர்நீதிமன்றத்தில் வழக்கு தொடர்ந்து உள்ளனர். 

ஆன்லைன் சூதாட்டத்தால் தங்கள் பணத்தை இழந்து பலர் பெரும் கடனாளியாக மாறி மனஉளைச்சலில் பல்வேறு நபர்கள் தற்கொலை செய்து கொண்டு உள்ளனர் . இதனை கருத்தில் கொண்டு, தமிழக அரசு ஆன்லைன் சூதாட்ட தடை சட்ட மசோதாவை நிறைவேற்றியது. 2 முறை நிறைவேற்றி, இரண்டவது முறை தான் ஆன்லைன் சூதாட்ட தடை சட்ட மசோதாவுக்கு இம்மாதம் 10ஆம் தேதி தமிழக ஆளுநர் ரவி கையெழுத்திட்டார்.

ஆளுநர் கையெழுத்திட்ட உடன் உடனடியாக தமிழக அரசிதழில் இந்த சட்டம் வெளியிடப்பட்டு அமலுக்கு வருவதாக அறிவிக்கப்பட்டது. இதனை தொடர்ந்து தற்போது ஆன்லைன் விளையாட்டு நிறுவனங்கள் சென்னை உயர்நீதிமன்றத்தில் வழக்கு தொடர்ந்து உள்ளனர். அதில், தமிழக அரசு கொண்டு வந்த ஆன்லைன் சூதாட்ட தடை சட்டத்திற்கு தடை விதிக்க வேண்டும் என கோரியிருந்தனர். இந்த முறையீட்டு மனுவை தொடர்ந்து நாளை அல்லது வழக்கமான வரிசைப்படி , இந்த வழக்கு விசாரணைக்கு பட்டியலிடப்படும் என கூறப்பட்டுள்ளது.