வட்டார கல்வி அலுவலகத்திற்குள் புகுந்த சாரை பாம்பு! அலுவலர்கள் அலறியடித்து ஓட்டம்!

வட்டார கல்வி அலுவலகத்திற்குள் புகுந்த சாரை பாம்பால் அலுவலர்கள் அலறியடித்து ஓட்டம்.

திருவண்ணாமலையில், வந்தவாசியில் வட்டார கல்வி அலுவலகம் இயங்கி வருகிற நிலையில், அங்கு அலுவலர்கள் வழக்கம் போல் பணிக்கு வந்துள்ளனர். இந்நிலையில், பகல் 12 மணியளவில், அலுவலகத்திற்குள், 5 அடி நீளம் உள்ள சாரை பாம்பு ஒன்று புகுந்துள்ளது.

இதனை பார்த்த அலுவலர்கள் அலறியடித்து ஓட்டம் பிடித்துள்ளனர். இதனையடுத்து தீயணைப்பு துறைக்கு தகவல் அளிக்கப்பட்டது. தகவலறிந்து சம்பவ இடத்திற்கு வந்த தீயணைப்பு துறையினர், சிறிது நேர போராட்டத்திற்கு பின், பாம்பை பிடித்தனர். இதனால், அங்கு சற்று நேரம் பரபரப்பு ஏற்பட்டது.