வடிவேல் பாலாஜியின் மகன், மகளின் படிப்பு செலவை ஏற்றுக்கொண்ட நடிகர் சிவகார்த்திகேயன்!

பிரபல காமெடி நடிகர் வடிவேல் பாலாஜி உயிரிழந்ததை தொடர்ந்து, அவரும் மகன் மற்றும் மகளின் படிப்பு படிப்பு செலவை ஏற்றுக்கொள்வதாக நடிகர் சிவகார்த்திகேயன் தெரிவித்துள்ளார்.

விஜய் டி.வி.யில் ஒளிபரப்பாகும் கலக்கப்போவது யாரு, அதுஇதுஎது போன்ற நகைச்சுவை நிகழ்ச்சியில் நடித்து, தனக்கென ஒரு ரசிகர் பட்டாளத்தையே உருவாக்கிக்கொண்டவர், நடிகர் வடிவேல் பாலாஜி. மதுரையைச் சேர்ந்த 42 வயதாகும் பாலாஜி, நடிகர் வடிவேலுவை போலவே உடலமைப்பை கொண்டு நடித்து வந்தார்.

இதன்காரணமாக இவரை வடிவேல் பாலாஜி என கூறிவந்தார். அதுமட்டுமின்றி, பல திரைப்படங்களிழும் நடித்து வந்தார். இவருக்கு கடந்த 15 நாட்களுக்கு முன்பு திடீரென்று மாரடைப்பு ஏற்பட்ட நிலையில், சென்னை ராஜிவ் காந்தி அரசு மருத்துவமனையில் அவர் உயிரிழந்தார்.

அவரின் உடலுக்கு நடிகர்கள், சின்னத்திரை நட்சத்திரங்கள் என அஞ்சலி செலுத்தி வந்த நிலையில், அவரின் மகன் மற்றும் மகளின் படிப்பு செலவை ஏற்றுக்கொள்வதாக நடிகர் சிவகார்த்திகேயன் தெரிவித்துள்ளார். அவருக்கு ஒரு மகன் மற்றும் ஒரு மகள் உள்ளனர். மகன் ஸ்ரீகாந்த் 10 ஆம் வகுப்பு படித்து வருவதாகவும், மகள் ஸ்ரீதேவி 6 ஆம் வகுப்பும் படித்து வருவது குறிப்பிடத்தக்கது.