கால அவகாசம் இன்றுடன் நிறைவு.! வைரல் மருத்துவர் சர்மிகாவுக்கு மருத்துவ இயக்குநரகம் புதிய உத்தரவு.!

சித்த மருத்துவர் சர்மிகா எழுத்துப்பூர்வ பதில் கூற இன்றுடன் கடைசி நாளாக இருந்த நிலையில் அவர் கேட்டுக்கொண்டதன் பெயரில் கூடுதல் அவகாசம் அளிக்கப்பட்டுள்ளது. 

தனது பல்வேறு நேர்காணல்களில் பல்வேறு கருத்துக்களை கூறி சர்ச்சையில் சிக்கி கொண்டவர் சித்த மருத்துவர் ஷர்மிகா. அவர் கூறிய குலாப் ஜாமூன் சாப்பிட்டால் எடை கூடும் என்ற கருத்து, குழந்தை பிறப்பது குறித்தும், நுங்கு சாப்பிட்டால் பெண்களுக்கு நல்லது என்றும் அவர் கூறிய பல்வேறு கருத்துக்கள் மருத்துவர்களையே சற்று ‘ஜெர்க்’ ஆக வைத்து விட்டன என்றே கூறலாம்.

தன்னிலை விளக்கம் : தன்னை பற்றிய சர்ச்சைகள் எழுந்த நிலையில், அவரே தன்னிலை விளக்கம் ஒன்றை அறிவித்து இருந்தார். அதில், நான் தவறுதலாக அவ்வாறு கூறிவிட்டேன். எனது மூளையில் பிரச்சனை இல்லை. நமக்கு ஆயிரம் வேலை இருக்கு என கூறினால் ஆயிரம் வேலை இருப்பதாக அர்த்தம் இல்லை. அது போல தான் நான் சிறியதாக கூறியது இங்கு பெரிய பேசுபொருளாக மாறிப்போனது என குறிப்பிட்டு இருந்தார்.

எழுத்துப்பூர்வ விளக்கம் : இருந்தும், மருத்துவ இயக்குநகரத்தில் இவர் மீது புகார் அளிக்கப்பட்டதை தொடர்ந்து அண்மையில் நேரடியாக வந்து விளக்கம் கூறினார். அதனை தொடர்ந்து அவர் வாய்மொழி விளக்கமாக கூறிய அத்தனையும் எழுத்துபூர்வமாக எழுதி விளக்கம் அளிக்க வேண்டும் என இந்திய மருத்துவ இயக்குநரகம்  கூறியிருந்தது.

அதற்கான கால அவகாசம் இன்றுடன் நிறைவடைகிறது. இதனை அடுத்து எழுத்து பூர்வ விளக்கத்திற்கு கூடுதல் அவகாசம் வேண்டும் என கோரிய காரணத்தால் வரும் 24ஆம் தேதி வரை கால அவகாசத்தை நீட்டித்து  இந்திய மருத்துவ இயக்குநரகம் அனுமதி அளித்துள்ளது.