இன்று முதல் மேலும் 200 ரேஷன் கடைகளில் தக்காளி விற்பனை..!

தக்காளி விலை நாளுக்கு நாள் உயர்வை சந்தித்து வருகிறது. தக்காளி விலை உயர்வு இல்லத்தரசிகள் மத்தியில் அதிர்ச்சியை ஏற்படுத்தி உள்ளது. தக்காளி விளைச்சல் குறைவாக இருப்பதால் தக்காளி விலை நாளுக்கு நாள் அதிகரித்து வருகிறது.

இந்த நிலையில், முதலில் தக்காளி விலை ரூ.60-ஆக இருந்த  நிலையில,தற்போது கிலோ ரூ.200 வரை விற்கப்படுகிறது. தமிழகத்தை பொறுத்தவரையில் தக்காளி விலையை கட்டுப்படுத்த தமிழக அரசு பல்வேறு நடவடிக்கைகளை மேற்கொண்டு வருகிறது.

அந்த வகையில், தக்காளி விலையை கட்டுப்படுத்தும் நோக்கில், தமிழக அரசு நியாயவிலை கடைகளின் மூலம் தக்காளி  விற்பனை செய்து வருகிறது. இந்த நிலையில் நேற்று, தக்காளி விலையை கட்டுப்படுத்துவது தொடர்பாக அமைச்சர் பெரியகருப்பன் ஆலோசனையில் ஈடுபட்டார்.

இதனை தொடர்ந்து, இன்று முதல் மேலும் 200 நியாயவிலை கடைகளில் தக்காளி விற்பனை செய்யப்படவுள்ளதாக தெரிவித்திருந்த நிலைகளில், இன்று முதல் விற்பனை தொடங்கவுள்ளது. ஏற்கனவே கூட்டுறவுத்துறை மூலம் 300 நியாயவிலை கடைகளில தக்காளி விற்பனை நடைபெற்று வரும் நிலையில், மொத்தம் 500 நியாயவிலை கடைகளில் தக்காளி விற்பனை செய்யப்படவுள்ளது.