”சேகர்பாபுவுக்கு இன்னொரு முகம் உள்ளது” – நடிகர் ரஜினிகாந்த் பேட்டி

அமைச்சர் சேகர்பாபுவுக்கு பாட்ஷா போன்று இன்னொரு முகம் உள்ளது என புகைப்படக் கண்காட்சியை பார்த்த நடிகர் ரஜினிகாந்த் பேட்டி.

தமிழக முதல்வர் மு.க.ஸ்டாலின் 70வது பிறந்தநாளை முன்னிட்டு, திமுக சார்பில், சென்னை பாரிஸ் கார்னர் பகுதியில் உள்ள ராஜா அண்ணாமலை மன்றத்தில் முதலமைச்சரின் வாழ்க்கை வரலாற்றை விளக்கும் புகைப்பட கண்காட்சி அமைக்கப்பட்டுள்ளது. இந்த புகைப்பட கண்காட்சியை சூப்பர் ஸ்டார் ரஜினிகாந்த், நடிகர் யோகி பாபு உள்ளிட்டோர் பார்வையிட்டனர். அப்போது,  அவர்களுடன் இந்து சமய அறநிலையத்துறை அமைச்சர் சேகர் உடனிருந்தார்.

புகைப்பட கண்காட்சியை பார்வையிட்ட பின் செய்தியாளர் சந்திப்பில் பேசிய நடிகர் ரஜினிகாந்த், என் இனிய நண்பர் முதலமைச்சர் மு.க ஸ்டாலினின் வாழ்க்கை பயணம், அரசியல் பயணம் ஆகிய இரண்டுமே ஒன்று தான். கட்சியில் உழைத்து படிப்படியாக பல பதவிகளை வகித்து தற்போது முதலமைச்சராக இருக்கிறார் என்று சொன்னால், மக்கள் அவர் உழைப்புக்கு அளித்த அங்கீகாரம் என கூறினார். மேலும், அமைச்சர் சேகர் பாபு ரொம்ப விசுவாசமானவர், அன்பானவர், சேகர்பாபுவுக்கு பாட்ஷா போன்று இன்னொரு முகம் உள்ளது எனவும் தெரிவித்தார்.