நாடாளுமன்ற தேர்தலில் நான் போட்டியிடவில்லை: சீமான் அறிவிப்பு

நாடாளுமன்ற தேர்தலில் தான் போட்டியிடவில்லை என தெரிவித்துள்ள சீமான், 2026ஆம் ஆண்டு சட்டமன்ற தேர்தலில் போட்டியிடுவேன் என தெரிவித்தார். பாளையங்கோட்டையில் நடைபெற்ற திருநெல்வேலி, தென்காசியில் உள்ள 10 சட்டப்பேரவை தொகுதிகளுக்கான நாம் தமிழர் கட்சியின் நிர்வாகிகள் ஆலோசனை கூட்டத்துக்குப் பின் செய்தியாளர்களிடம் நாம் தமிழர் கட்சியின் தலைமை ஒருங்கிணைப்பாளர் சீமான் பேசினார்.

அவர் கூறுகையில், “இந்தி தெரியாது போடா என்றும் ஆளுங்கட்சி ஆனவுடன் இந்தி தெரியும் வாடா என தெரிவிப்பது தான் திமுகவின் கொள்கை. தற்போது கேலோ விளையாட்டு போட்டிக்கு கூட தமிழில் பெயர் வைக்க முடியாமல் திமுக உள்ளது. நடிகர் விஜய் அரசியல் கட்சி தொடங்குவது ஓர் ஆரோக்கியமான அரசியலாக இருக்கும்.

ஸ்பெயினுக்கு புறப்பட்டார் முதல்வர் மு.க ஸ்டாலின்..!

சீமான் மட்டும் தான் தமிழகத்தில் சண்டை செய்துக் கொண்டிருக்கிறார், அவருக்கு நாம் உறுதுணையாக இருப்போம் என அவர் நினைத்திருப்பார். நாடாளுமன்ற தேர்தலில் நான் போட்டியிடவில்லை. அதே நேரம் சட்டப்பேரவை தேர்தலில் தான் போட்டியிடுவேன், நாடாளுமன்ற தேர்தலில் எப்போதும் யாருடனும் கூட்டணி இல்லை” என கூறினார்.