தவறான முடிவுகளை அறிவித்த ஸ்கேன் சென்டருக்கு சீல் வைப்பு!

சென்னையில் பிரபல ஸ்கேன் சென்டருக்கு சீல் வைத்த சுகாதாரத்துறை அதிகாரிகள். 

தமிழகம் முழுவதும் கொரோனா வைரஸ் தீவிரமாக பரவி வருகிற நிலையில், இதனை கட்டுப்படுத்த அரசு பல நடவடிக்கைகளை மேற்கொண்டு வருகிறது. இந்த வைரஸ் பாதிப்பால் பாதிக்கப்படுவோரின் எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்த வண்ணம் தான் உள்ளது.

இந்நிலையில், பலரும் தங்களுக்கு கொரோனா பாதிப்பு உள்ளதா என்பதை உறுதி செய்ய அரசு மருத்துவமனைகளில் மட்டுமல்லாது, தனியார் மருத்துவமனைகளிலும் பரிசோதனை மேற்கொள்கின்றனர். அந்த வகையில், சென்னை வடபழனியில் உள்ள பிரபல ஸ்கேன் செண்டரில், 128 பேர் கொரோனா பரிசோதனை மேற்கொண்டுள்ளனர்.

இந்நிலையில், இதில் 44 பேருக்கு கொரோனா பாதிப்பு இருப்பதாக போலியான முடிவுகள் தரப்பட்டுள்ளது. இதனையடுத்து, அந்த ஸ்கேன் செண்டருக்கு சுகாதாரத்துறை அதிகாரிகள் சீல் வைத்துள்ளனர். இதனை தொடர்ந்து, அனைத்து ஸ்கேன் செண்டர்களிலும்  சோதனை மேற்கொள்ள உள்ளதாக அறிவித்துள்ளது.