கடலூரில் நாளை பள்ளி, கல்லூரிகள் வழக்கம்போல் இயங்கும்!

கடலூர்:  பெஞ்சல் புயல் கனமழை காரணமாக வட தமிழக மாவட்டங்கள் பெரிதும் பாதிக்கப்பட்டது. குறிப்பாக, விழுப்புரம் மாவட்டத்தில் இன்னும் வெள்ள நீர் வடியாத நிலை உள்ளது. இதனால் மாணவர்களும் பள்ளி கல்லூரிகள் செல்ல முடியாத நிலை நிலவுகிறது.

இந்நிலையில், வெள்ள நிவாரண மற்றும் மீட்பு பணிகள் தொடர்ந்து நடைபெற்று வரும் நிலையில் விழுப்புரம் மாவட்டத்தில் நாளையும் (டிச,5) பள்ளி, கல்லூரிகளுக்கு விடுமுறை அறிவிக்கப்பட்டுள்ளது.

ஆனால், கடலூர் மாவட்டத்தில் பள்ளி, கல்லூரிகள் நாளை (டிச.5) வழக்கம்போல் இயங்கும் என ஆட்சியர் சிபி ஆதித்யா செந்தில்குமார் தெரிவித்துள்ளார். ஃபெஞ்சல் புயல், மழை காரணமாக 3 நாட்கள் விடுமுறை விடப்பட்டிருந்த நிலையில், நாளை மீண்டும் திறக்கப்படுகிறது.