இவர்களுக்கான உதவித்தொகை; தமிழக அரசுக்கு உயர்நீதிமன்றம் உத்தரவு!

பார்வை மாற்றுத் திறனாளிகள் அரசின் மாதாந்திர உதவித்தொகை பெறுவதை உறுதி செய்ய வேண்டும் என உத்தரவு.

பார்வை மாற்று திறனாளிகள் எவ்வித சிரமும் இல்லாமல் அரசின் மாதாந்திர உதவித்தொகை திட்ட பலன்களை பெறுவதை உறுதி செய்ய வேண்டும் என தமிழக அரசு சென்னை உயர் நீதிமன்றம் உத்தரவு பிறப்பித்துள்ளது. பார்வை மாற்றுத் திறனாளிகளுக்கும் பாரபட்சமின்றி ஓய்வூதியம் வழங்கக் கோரிய வழக்கில் தமிழக அரசுக்கு சென்னை உயர்நீதிமன்றம் ஆணையிட்டுள்ளது.

பார்வை மாற்றுத் திறனாளிகள் பொது வேலைவாய்ப்பில் பங்குபெற வாய்ப்பியிருந்தால் மாதம் ரூ.1000 வழங்கப்படுகிறது என தமிழக அரசு தரப்பில் தகவல் தெரிவிக்கப்பட்டுள்ளது. உடல்நலம் பாதிப்பு, வயதான மாற்றுத்திறனாளிகளை பிற பிரிவினருக்கு இணையாக கருதுவது குறித்து அரசு பரிசீலிக்கலாம் என்றும் உயர் நீதிமன்றம் நீதிபதிகள் அறிவுறுத்தல் வழங்கினர்.