ரூ.25 லட்சத்துக்கு புலிக்குட்டி விற்பனை…! வாட்சப் ஸ்டேட்டஸ் வைத்தவர் கைது…!

ரூ.25 லட்சத்துக்கு புலிக்குட்டி விற்பனைக்கு உள்ளதாக ஸ்டேட்டஸ் வைத்த நபர் கைது. 

வேலூர் சார்ப்பானாமேடு பகுதியை சேர்ந்தவர் பார்த்திபன். இவர் திருப்பதியில் சட்டம் பயின்று வருகிறார். இந்த நிலையில், இவர் தனது வாட்சப் ஸ்டேட்டஸில் புலிக்குட்டி விற்பனைக்குள்ளதாக வைத்துள்ளார். அந்த ஸ்டேட்டஸில், அவர் புலிக்குட்டிக்கு உணவு ஊட்டுவது போல புகைப்படம் வைத்துள்ளார்.

இதுதொடர்பாக வனத்துறை அதிகாரிகளுக்கு தகவல் கிடைத்த நிலையில், பார்த்திபனை கைது செய்து போலீசார் விசாரணை மேற்கொண்டு வருகின்றனர். பார்த்திபன் அளித்த தகவலின் பேரில், சென்னை அம்பத்தூரை சேர்ந்த தமிழ் என்பவரையும் வனத்துறை அதிகாரிகள் விசாரித்து வருகின்றனர். கைது செய்யப்பட்ட பார்த்திபனுக்கு ரூ.25 லட்சத்திற்கு புலிக்குட்டியை விற்கும் கும்பலுடன் தொடர்பு இருப்பதாக தகவல்கள் வெளியாகியுள்ளது.