46 வாக்குச்சாவடிகளில் மறுவாக்குப்பதிவு : அதிமுக தயார் -அமைச்சர் ஜெயக்குமார்

46 வாக்குச்சாவடிகளில் மறுவாக்குப்பதிவு நடந்தால் அதை எதிர்கொள்ள அதிமுக தயார் என்று அமைச்சர் ஜெயக்குமார் தெரிவித்துள்ளார்.

இந்தியாவில் 7-கட்டமாக மக்களவை தேர்தல் நடைபெறவுள்ளது.இதில் 5-கட்டமாக தேர்தல் நடைபெற்று முடிந்துள்ளது.தமிழகத்தில் 2-ஆம் கட்டமாக தேர்தல் நடைபெற்றது.மக்களவை தொகுதிகளுடன் சேர்த்து இடைத்தேர்தலும் நடைபெற்றது.

இன்று தமிழக தேர்தல் அதிகாரி சத்யப்ரதா சாகு செய்தியாளர்களை சந்தித்தார்.அப்போது அவர் பேசுகையில்,தமிழகத்தில் வாக்குப்பதிவின்போது 46 பூத்களில் தவறு நடந்துள்ளது என்று தமிழக தேர்தல் அதிகாரி சத்யப்ரதா சாகு தெரிவித்தார்.

இது தொடர்பாக அமைச்சர் ஜெயக்குமார் கருத்து தெரிவித்துள்ளார்.அவர் கூறுகையில் ,46 வாக்குச்சாவடிகளில் மறுவாக்குப்பதிவு நடந்தால் அதை எதிர்கொள்ள அதிமுக தயார் என்று அமைச்சர் ஜெயக்குமார் தெரிவித்துள்ளார்