தமிழகத்தில் மேலும் 14 நாள்களுக்கு ஊரடங்கை நீடிக்க பரிந்துரை.!

கொரோனாவால் பாதிக்கப்பட்டவர்களின் எண்ணிக்கை இந்தியாவில் நாளுக்கு நாள் அதிகரித்து கொண்டே வருகிறது. இதன் விளைவாக 21 நாட்களுக்கு ஊரடங்கு உத்தரவு பிறப்பிக்கப்பட்டது.தமிழகத்தில் பாதிப்பு அதிகமாகி வரும் நிலையில் கொரோனா  பரவலை தடுக்க 12 மருத்துவ நிபுணர்கள் கொண்ட குழுக்கள் அமைக்கப்பட்டது.

நேற்று  இந்த மருத்துவ நிபுணர்கள் கொண்ட குழுக்களுடன் தமிழகத்தில் கொரோனாவின் நிலை , தடுப்பு நடவடிக்கை உள்ளிட்டவை குறித்து முதலமைச்சர் பழனிசாமி ஆலோசனை மேற்கொண்டார். 

இந்நிலையில் இன்று மருத்துவ குழுக்களுடன் காணொளிக் காட்சி வாயிலாக ஆலோசனை மேற்கொண்டு கொண்டார்.  முதல்வர் உடனான ஆலோசனை கூட்டம் முடிந்த பிறகு மருத்துவ வல்லுநர் குழு சார்பில் மருத்துவர் பிரதீபா செய்தியாளர்களுக்கு பேட்டியளித்தார் .

அப்போது , தமிழகத்தில் அரசு என்ன நடவடிக்கை எடுத்தாலும் கொரோனா தாக்கம் அதிகரித்து வருகிறது.தமிழகத்தில் அரசு எடுக்கும் தடுப்பு நடவடிக்கை சிறப்பாக உள்ளது. தமிழகத்தில் ஏப்ரல் 14 ம் தேதிக்கு பின்னர் மேலும் 2 வாரங்களுக்கு ஊரடங்கை  நீட்டிக்க தமிழக முதலமைச்சரிடம் மருத்துவ நிபுணர்கள் குழு பரிந்துரைத்துள்ளோம் என தெரிவித்தார்.

நேற்று முதலமைச்சர் பழனிசாமி தலைமை செயலகத்தில் பேட்டியளிக்கும் போது தமிழகம் 2-வது நிலையில் இருந்து மூன்றாவது நிலைக்கு செல்ல வாய்ப்புள்ளது.மேலும் தமிழகத்தில் உள்ள நிலைமையை பொருத்தே ஊரடங்கு நீட்டிக்கப்படும் என தெரிவித்தார் என்பது குறிப்பிடத்தக்கது.