மக்கள் நலப்பணியாளர்களுக்கு மீண்டும் பணி – தமிழக அரசு ஆலோசனை!

வேலை இழந்துள்ள மக்கள் நலப்பணியாளர்களுக்கு மீண்டும் பணி வழங்குவது தொடர்பாக தமிழக அரசு பரிசீலினை.

மக்கள் நலப்பணியாளர்களுக்கு மீண்டும் பணி வழங்குவது குறித்து தமிழக அரசு ஆலோசனை மேற்கொண்டு வருவதாக தெரிவிக்கப்பட்டுள்ளது. உச்சநீதிமன்றத்தில் இது தொடர்பான வழக்கு விசாரணையின்போது தமிழ்நாடு அரசு வழக்கறிஞர் தகவல் கூறியுள்ளார். வேலை இழந்துள்ள மக்கள் நலப்பணியாளர்களுக்கு மீண்டும் பணி வழங்குவது தொடர்பாக தமிழக அரசு பரிசீலினை செய்து வருவதாக உச்சதிமன்றத்தில் தமிழ்நாடு அரசு சார்பில் மூத்த வழக்கறிஞர் ஜேதீப் குப்தா தெரிவித்துள்ளார்.

மக்கள் நலப்பணியாளர்கள் சுமார் 13 ஆயிரத்துக்கு மேற்பட்டோர் பணி நியமனம் செய்யப்பட்டனர். ஆனால் அதை தொடர்ந்து அதிமுக அரசு ஆட்சியில் இருந்தபோது 13,500 மக்கள் நலப்பணியாளர்கள் பணி நீக்கம் செய்யப்பட்டார்கள். அரசியல் காழ்ப்புணர்ச்சி காரணமாக இதுபோன்ற நடவடிக்கை எடுக்கப்பட்டதாக வழக்குகள் தொடரப்பட்டது. உச்சநீதிமன்றத்தில் இந்த வழக்குகள் பல ஆண்டு காலமாக நிலுவையில் இருந்து வந்தது.

தற்போது தமிழகத்தில் திமுக தலைவர் மு.க.ஸ்டாலின் தலைமையிலான அரசு அமைந்தது பிறகு, கடந்த 3 மாதங்களில் இந்த வழக்குகள் மூன்று முறை உச்சநீதிமன்றத்தில் விசாரணைக்கு வந்தது. இந்த இன்று மீண்டும் விசாரணைக்கு வந்தபோது,  மக்கள் நலப்பணியாளர்களுக்கு மீண்டும் பணி வழங்குவது குறித்து தமிழக அரசு ஆலோசனை மேற்கொண்டு வருவதாக தமிழக அரசு சார்பில் தெரிவிக்கப்பட்டுள்ளது.

இதனைத்தொடர்ந்து, உச்சநீதிமன்ற நீதிபதிகள் கூறுகையில், மக்கள் நலப்பணியாளர்களுக்கு மீண்டும் பணி வழங்குவது குறித்து தமிழக அரசு ஆலோசனை மேற்கொண்டு வருவது வரவேற்கத்தக்கது. ஆனால் இதனை விரைவில் முடிவெடுக்க தமிழக அரசுக்கு உத்தரவிட்டு, மக்கள் நலப்பணியாளர்கள் வழக்கை 4 வாரங்களுக்கு ஒத்திவைத்தது உச்சநீதிமன்றம்.