#Justnow:இளைஞர் திறன் திருவிழா – இன்று தொடங்கி வைக்கும் முதல்வர் ஸ்டாலின்!

சென்னையில் இன்று (மே 25-ஆம் தேதி) இளைஞர் திறன் திருவிழாவை முதலமைச்சர் மு.க.ஸ்டாலின் தொடக்கி வைக்கிறார்.அதிக வேலைவாய்ப்பு உள்ள தொழில்களை இளைஞர்கள் அறிந்துகொள்ளும் வகையில் இளைஞர் திறன் திருவிழா நடத்தப்படுகிறது.

மேலும்,திறன் மேம்பாடு குறித்து விழிப்புணர்வு மற்றும் தகவல்களை பெற உதவும் வகையிலும் திருவிழா நடத்தப்படுகிறது என தகவல் தெரிவிக்கப்படுகிறது.இத்திருவிழாவானது மாநிலத்தின் 388 வட்டாரங்களிலும் ஊரக வளர்ச்சி மற்றும் தொழிலாளர்கள் நலன் – திறன் மேம்பாட்டுத் துறை சார்பில் நடத்திடும் வகையில் நடவடிக்கை மேற்கொள்ளப்பட்டுள்ளது.

சென்னை ராணி மேரி கல்லூரியில் நடைபெறும் இவ்விழாவில் அமைச்சர் கணேசன் உள்ளிட்டோர் பங்கேற்கின்றனர் என்பது குறிப்பிடப்படுகிறது.
இளைஞர் திறன் திருவிழாவில் பங்கு கொள்ள விருப்பமுள்ள இளைஞர்கள் தங்களின் சுய விவரங்களைப் பதிவு செய்து கொள்ள நிகழ்விடத்திலேயே ஏற்பாடுகள் செய்யப்பட்டுள்ளன.