ராகுல் காந்தியை கீழே தள்ளியிருக்க வாய்ப்பில்லை- ராஜேந்திர பாலஜி..!

இன்று விருதுநகரில் செய்தியாளர்களிடம் பேசிய அமைச்சர் ராஜேந்திர பாலஜி, உ.பியில் காவல்துறையினர் ராகுல் காந்தியை கீழே தள்ளியிருக்க வாய்ப்பில்லை. அது சித்தரிக்கப்பட்டது போல தெரிகிறது என கூறினார்.

உத்தரபிரதேச மாநிலம் ஹத்ராஸ் மாவட்டத்தை சேர்ந்த 19 வயதான இளம்பெண் கடந்த மாதம் 14-ம் தேதி இளைஞர்கள் 4 பேர் ஒரு இளம் பெண்ணை தூக்கிச்சென்று கூட்டு பாலியல் பலாத்காரம் செய்தனர்.

படு காயங்களுடன் இரண்டு வாரங்களாக சிகிக்சை பெற்று வந்த நிலையில், அந்த இளம்பெண் கடந்த செவ்வாய்கிழமை  உயிரிழந்தார். இந்நிலையில், உயிரிழந்த பெண்ணின் குடும்பத்தினரை சந்தித்து ஆறுதல் கூற சென்ற காங்கிரஸ் கட்சியின் முன்னாள் தலைவர் ராகுல்காந்தி மற்றும் உத்தரபிரதேச பொதுச் செயலாளர் பிரியங்கா காந்தி சென்றனர்.

அப்பொழுது, போலீசாருடன் ஏற்பட்ட தள்ளு முள்ளு காரணமாக ராகுல் காந்தி கீழே விழுந்தார். காவல்துறையினர் தான்  ராகுல் காந்தியை கீழே தள்ளிவிட்டதாக கூறப்படுகிறது.  தடை உத்தரவை மீறிச் சென்றதற்காக கூறி இருவரையும் கைது செய்யப்பட்டனர். பிறகு உத்தரபிரதேச காவல்துறையினர் அவர்களை விடுதலை செய்தனர்.