ராயப்பேட்டை காவல் நிலையத்தில் வருவாய்த்துறையினருடன் போலீஸ் அவசர ஆலோசனை

ராயப்பேட்டை காவல் நிலையத்தில் வருவாய்த்துறையினருடன் போலீஸ் அவசர ஆலோசனை மேற்கொண்டு வருகின்றனர்.

அதிமுக பொதுக்குழு கூட்டம் தொடங்கி நடைபெற்று வரும் நிலையில்,பொதுச்செயலாளர் பதவியை உருவாக்க தீர்மானம் ஒரு மனதாக நிறைவேற்றப்பட்டது. இதனை தொடர்ந்து அதிமுக இடைக்கால பொதுச்செயலாளராக எடப்பாடி பழனிசாமி தேர்வு செய்யப்பட்டுள்ளார்.

இந்த நிலையில், ஓபிஎஸ் அதிமுக  அலுவலகத்தில் உள்ள நிலையில், அங்கு பதற்றமான சூழல் நிலவுகிறது. இதனால், அங்கு போலீசார் குவிக்கப்பட்டுள்ளனர். அதிமுக தலைமை அலுவலகத்தின் உள்ளே இருந்த ஆவணங்களை கைப்பற்றி ஓபிஎஸ் ஆதரவாளர்கள் வாகனத்தில் ஏற்றியுள்ளனர்.

இந்த நிலையில்,அதிமுக தலைமை அலுவலகம் சார்பில் ராயப்பேட்டை காவல் நிலையத்தில் ஓபிஎஸ் மற்றும் அவரது ஆதரவாளர்கள் மீது அத்துமீறி அலுவலகத்திற்குள் நுழைந்து தாக்குதல் நடத்தியதாக புகார் அளிக்கப்பட்டுள்ளது.

ராயப்பேட்டை காவல் நிலையத்தில் வருவாய்த்துறையினருடன் போலீஸ் அவசர ஆலோசனை மேற்கொண்டு வருகின்றனர். இதனையடுத்து, சென்னை ராயப்பேட்டையில் உள்ள அதிமுக தலைமை அலுவலகத்துக்கு பூட்டு போடப்பட வாய்ப்பு உள்ளதாக கூறப்படுகிறது.