தஞ்சை ஆட்சியர் கொரோனா நோயாளிக்கு கொடுத்த இன்ப அதிர்ச்சி!

கொரோனா நோயால் பாதிக்கப்பட்டு சிகிச்சை பெற்று வந்த தஞ்சை இளைஞருக்கு பிறந்தநாள் கேக் வாங்கி கொடுத்து இன்ப அதிர்ச்சி கொடுத்த தஞ்சாவூர் ஆட்சியர் கோவிந்தராஜ்.

கொரானா வைரஸ் தாக்கம் நாளுக்கு நாள் அதிகரித்து வரும் நிலையில், இதனால் பாதிக்கப்பட்டு சிகிச்சை பெரும் நோயாளிகள் பலரும் மன அழுத்தத்திலும் மரண பயத்தில் இருந்து வருகின்றனர். இந்நிலையில் தஞ்சாவூர் மாவட்டத்தில் பட்டுக்கோட்டை பகுதியில் உள்ள அரசு மருத்துவமனையில் இளைஞர் ஒருவர் கொரோனா வார்டில் சிகிச்சை பெற்று வருகிறா.

இளைஞருக்கு இன்று பிறந்தநாள், இந்நிலையில் இவரது பிறந்த நாளுக்கு தஞ்சாவூர் ஆட்சியர் கோவிந்தராஜ் பிறந்தநாள் கேக் வாங்கி கொடுத்து அங்குள்ள முகாமில் உள்ளவர்களுடன் இணைந்து கேக் வெட்டி கொண்டாட செய்துள்ளார். இது குறித்து கூறுகையில் இந்த பிறந்தநாள் மிகவும் மகிழ்ச்சியான நாளாக உள்ளது எனவும், ஆட்சியரின் செயல் மன அழுத்தத்தை போக்க கூடியதாக இருக்கிறது எனவும் கூறியுள்ளார். மேலும் கொரோனாவை கண்டு யாரும் அஞ்ச வேண்டாம் பாதுகாப்புடன் இருங்கள் எனவும் கூறி உள்ளார்.