மக்கள்நல திட்டங்களை விரைந்து செயல்படுத்த வேண்டும் – முதல்வர் மு.க.ஸ்டாலின்

திட்டங்களை முழுமையாக செயல்படுத்தினால், நாட்டிலேயே தமிழகம் முதல் மாநிலமாக மாறும் என முதல்வர் உரை. 

தலைமைச்செயலகத்தில் தமிழ்நாடு அரசின் முத்திரைப்பதிக்கும் முத்தான திட்டங்கள் குறித்து முதலமைச்சர் மு.க.ஸ்டாலின் தலைமையில் ஆய்வுக்கூட்டம் நடைபெற்றது. 4ம் நாளாக நடைபெறும் ஆய்வுக்கூட்டத்தில் பல்வேறு திட்டங்களின் செயல்பாடு, எதிர்கால திட்டங்கள் குறித்து ஆய்வு மேற்கொள்ளப்பட்டுள்ளது.

முதல்வர் உரை 

இந்த கூட்டத்தில் பேசிய முதல்வர் மு.க.ஸ்டாலின் அவர்கள், முன்னுரிமை திட்டங்கள் தொடர்பான ஆய்வுக்கூட்டங்கள் திட்டங்களின் வெற்றிக்கும், மாநிலத்தின் ஒருங்கிணைந்த வளர்ச்சிக்கும் அடித்தளமாக அமையும்.

அனைத்து அரசு துறை அதிகாரிகளும் ஒருங்கிணைந்து செயல்பட இதுபோன்ற கூட்டங்கள் உதவும். அரசு செயலாளர்களை பொறுத்தவரையில், துறை அலுவலர்களின் பணிகளை ஆய்வு செய்வதோடு மட்டுமல்லாமல், மாதம் 2 முறை 2 மாவட்டங்களுக்காவது சென்று களஆய்வு மேற்கொள்ளல் வேண்டும்.

மக்கள்நல திட்டங்களை விரைந்து செயல்படுத்த வேண்டும். திட்டங்களை முழுமையாக செயல்படுத்தினால், நாட்டிலேயே தமிழகம் முதல் மாநிலமாக மாறும். திட்டங்களை தொடங்கும் போது இருக்கும் வேகம் திட்டத்தை முடிக்கும் வரை இருக்க வேண்டும்.