தென்கொரியாவில் இருந்து தமிழகம் வந்தடைந்த பிசிஆர் கருவிகள்

தமிழகத்தில் கொரோனா பரிசோதனைக்காக, தென் கொரியாவில் இருந்து கூடுதலாக ஒரு லட்சம் பிசிஆர் கருவிகள் தமிழகம் வந்தடைந்தது.

தமிழகத்தில் நாளுக்கு நாள் கொரோனா பாதித்தோரின் எண்ணிக்கை நாளுக்கு நாள் அதிகமடைந்து கொண்டே வரும் நிலையில், கடந்த 24 மணிநேரத்தில் புதிதாக 1,875 பேருக்கு கொரோனா வைரஸ் தொற்று உறுதி செய்யப்பட்டுள்ளது. மொத்தமாக 38,716 பேர் பாதிக்கப்பட்ட நிலையில், 349 பேர் உயிரிழந்துள்ளனர்.

இந்நிலையில் தமிழகத்தில் கொரோனா வைரஸ் பரிசோதனையை அதிகரிக்கும் விதமாக, தென் கொரியாவில் இருந்து கூடுதலாக ஒரு லட்சம் பிசிஆர் கருவிகள் தமிழகம் வந்தடைந்தது. வாரம் 1 லட்சம் என்ற அளவில், இதுவரை 6 லட்சத்து 27 ஆயிரம் கருவிகள் தமிழகம் வந்தடைந்ததாக சுகாதார துறை அதிகாரிகள் தெரிவித்தனர்.