ஒருபந்தில் 9 ரன் எடுப்பவர் முதல்வர் பழனிசாமி- அமைச்சர் விஜயபாஸ்கர்

• தமிழகத்தில் புதிதாக 9 மருத்துவக் கல்லூரிகள் அமையவுள்ளது.
• ஒருபந்தில் 9 ரன் எடுப்பவர்  முதல்வர் பழனிசாமி என்று அமைச்சர் விஜயபாஸ்கர் தெரிவித்துள்ளார்.

முதலில்  தமிழகத்தில் திருப்பூர், நீலகிரி, ராமநாதபுரம், நாமக்கல்,  திண்டுக்கல், விருதுநகர் என புதிய 6 மருத்துவ கல்லூரிகள் தொடங்குவதற்கு மத்திய அரசு ஒப்புதல் வழங்கியது.இதன் பின்னர் 3 மருத்துவ கல்லூரிகள் அமைக்க மத்திய அரசு ஒப்புதல் வழங்கியது. அதன்படி, கிருஷ்ணகிரி, திருவள்ளூர், நகை ஆகிய மாவட்டங்களில் புதிய மருத்துவ கல்லூரிகள் அமைக்க பட உள்ளது.

இந்நிலையில் தமிழக சட்டப்பேரவை இன்று நடைபெற்று வருகிறது.அப்பொழுது சுகாதாரத்துறை அமைச்சர் விஜயபாஸ்கர் பேசினார் .ஒரு பந்தில் ஓரு ரன் அடிக்கலாம்,சிக்ஸர் அடிக்கலாம்.ஆனால் 9 ரன் அடிப்பவர் முதல்வர் பழனிசாமி மட்டும் தான். தமிழகத்தில் மேலும் 4 மருத்துவக் கல்லூரிகள் தொடங்க மத்திய அரசிடம் அனுமதி கேட்டுள்ளோம் .கடலூர், கள்ளக்குறிச்சி, அரியலூர், காஞ்சிபுரம் ஆகிய இடங்களில் அமைக்க திட்டமிடப்பட்டுள்ளதாக  தெரிவித்துள்ளார்.