ஊரடங்கை மீறி வாகனங்களில் வெளியே சுற்றிய 2 லட்சம் பேர் கைதாகி விடுதலை.!

நாடு முழுவதும் கடந்த ஏப்ரல் 14ம் தேதி முடிவடைய இருந்த ஊரடங்கு மேலும் 19  நாட்களுக்கு நீட்டிக்கப்பட்டுள்ளது. இதனிடையே ஊரடங்கு உத்தரவை மீறி தேவையில்லாமல் வெளியே சுற்றுபவர்கள் மீது போலீசார் வழக்குப்பதிவு செய்து, பின்னர் கைது நடவடிக்கை எடுத்து வருகிறார்கள். மேலும் ஊரடங்கு உத்தரவில் அத்தியாவசிய தேவையின்றி சுற்றுபவர்களுக்கு காவல்துறை நூதன முறையில் தண்டனைகள் வழங்கி வருகின்றனர்.
இந்த நிலையில் தமிழகத்தில் ஊரடங்கை மீறி வாகனங்களில் வெளியே சுற்றிய 2,08,139 பேர் கைதாகி ஜாமீனில் விடுதலை செய்யப்பட்டுள்ளன. வெளியே சுற்றியதால் 1,79,827 வாகனங்கள் பறிமுதல் செய்யப்பட்டு, அவர்களிடம் இருந்து ரூ.89,23,644 அபராதம் வசூலிக்கப்பட்டுள்ளது. ஊரடங்கு அமல்படுத்தப்பட்டதில் இருந்து விதிகளை மீறியதாக இதுவரை 1,94,995 வழக்குகள் பதிவு செய்யப்பட்டுள்ளது என தமிழக காவல்துறை தெரிவித்துள்ளது.