மறுவாக்கு எண்ணிக்கை வந்த பிறகு தான் யாருக்கு துன்பம் என்பது தெரியும்- அமைச்சர் கடம்பூர் ராஜூ

மறுவாக்கு எண்ணிக்கை வந்த பிறகு தான் யாருக்கு துன்பம் என்பது தெரியும் என்று திமுக தலைவர் மு.க.ஸ்டாலினுக்கு அமைச்சர் கடம்பூர் ராஜூ பதில் தெரிவித்துள்ளார்.
ராதாபுரம் மறுவாக்கு எண்ணிக்கையால் எம்எல்ஏ இன்பதுரை, துன்பதுரை ஆகிவிட்டார் என்று திமுக தலைவர்  மு.க.ஸ்டாலின் கூறினார்.இந்த நிலையில்  அமைச்சர் கடம்பூர் ராஜூ பேட்டி அளித்தார்.அப்பொழுது அவர் இது குறித்து கூறுகையில்,  ராதாபுரம் தொகுதி மறுவாக்கு எண்ணிக்கை வந்த பிறகு தான் யாருக்கு துன்பம் என்பது தெரியும்.
உள்ளாட்சி தேர்தல் வரக்கூடாது என்று திமுக நினைக்கிறது. ஆனால் விரைவில், உள்ளாட்சி தேர்தல் உறுதியாக நடத்தப்படும் . கூட்டுறவு தேர்தலில் வெற்றி பெற்றதுபோல், உள்ளாட்சி தேர்தலிலும் அதிமுக வெற்றி பெறும் என்று அமைச்சர் கடம்பூர் ராஜூ தெரிவித்துள்ளார்.