ஒரு பக்கம் ஆலோசனை – மறுபக்கம் போஸ்டர் கிழிப்பு.!

ஒரு பக்கம் ஓ.பி.எஸ். விவகாரம் தொடர்பாக அமைச்சர்கள் ஆலோசனை நடத்தி வரும் நிலையில், மறுபக்கம் அடுத்த முதல்வர் ஓபிஎஸ் என ஒட்டப்பட்டிருந்த போஸ்டர் கிழிப்பு.

அடுத்த முதல்வர் ஓபிஎஸ் என அவரது தொகுதியான போடி முழுவதும் போஸ்டர் ஒட்டப்பட்டுள்ளதால் சர்ச்சையை கிளப்பியுள்ளது. முன்னாள் முதல்வர் ஜெயலலிதாவின் ஆசி பெற்ற ஒரே முதல்வர் ஓபிஎஸ் என போஸ்டர் ஒட்டப்பட்டுள்ளது.

தமிழகத்தின் நிரந்திர முதல்வர் ஒ.பன்னீர்செல்வம் எனவும் போஸ்டரில் வாசகங்கள் இடம்பெற்றுள்ளன. இந்த நிலையில், துணை முதல்வர் ஓ.பி.எஸ் அடுத்த முதல்வர் என ஒட்டப்பட்ட போஸ்டர்கள் கிழிக்கப்பட்டதால் பரபரப்பை ஏற்படுத்தியுள்ளது. இதனிடையே ஓ.பி.எஸ். விவகாரம் தொடர்பாக அமைச்சர்கள் ஆலோசனை நடத்தி வரும் நிலையில் அவரது போஸ்டர்கள் கிழிக்கப்பட்டுள்ளன என்பது குறிப்பிடப்படுகிறது.