“வெற்றியன்றி வேறில்லை” – தொண்டர்களுக்கு மு.க.ஸ்டாலின் கடிதம்…!

வெற்றியை  எளிதாக அடைய விடமாட்டார்கள். சூழ்ச்சி  செய்வார்கள். அதிகார பலம் கொண்டவர்களின் சாதிகளையும், சூழ்ச்சிகளையும் முறியடிக்க உழைப்போம்.

தமிழக சட்டமன்ற தேர்தல் ஏப்.6ம் தேதி நடைபெறவுள்ள நிலையில், தமிழக அரசியல் காட்சிகள் அனைத்தும் தேர்தல் முன்னேற்பாடு பணிகளில் தீவிரமாக ஈடுபட்டு வருகிறது. வேட்பாளர் பட்டியல், தேர்தல் அறிக்கை மற்றும் தேர்தல் பிரச்சாரம் என தீவிரமாக செயல்பட்டு வருகிறது.

இந்நிலையில், நேற்று திமுக தலைவர் மு.க.ஸ்டாலின் நேற்று 173 பேர்கொண்ட வேட்பாளர் பட்டியலை  அறிவித்துள்ளார். இதனை தொடர்ந்து இன்று தேர்தல் அறிக்கையை வெளியிடவுள்ளார். இதனையடுத்து , மு.க.ஸ்டாலின் சட்டமன்ற தேர்தலில் திமுக வெற்றி பெற உழைக்க வேண்டும் என தனது தொண்டர்களுக்கு ஒரு கடிதம் எழுதியுள்ளார்.

அந்த  கடிதத்தில், ‘வெற்றியன்றி வேறில்லை என்ற ஒருமித்த சிந்தனையுடன் உழைப்போம். மாச்சாரியங்களுக்கு இடங்கொடாமல், ஆச்சரியத்தை ஏற்படுத்தும் வெற்றியை ஈட்ட களப்பணியாற்றுவோம். வெற்றியை  எளிதாக அடைய விடமாட்டார்கள். சூழ்ச்சி  செய்வார்கள். அதிகார பலம் கொண்டவர்களின் சாதிகளையும், சூழ்ச்சிகளையும் முறியடிக்க உழைப்போம்.’ என தெரிவித்துள்ளார்.