விவசாயிகளுக்கு யாரும் எந்த தடை விதிக்கக் கூடாது -முதல்வர் பழனிசாமி .!

இன்று சேலம் ஆட்சியர் அலுவலகத்தில் கொரோனா பற்றி அதிகாரிகளுடன் ஆலோசனை நடத்திய பின்னர் பேட்டியளித்த முதல்வர் பழனிச்சாமி ,சேலம் மாவட்டத்தில் கொரோனா பாதித்த 24 பேரில் 7 பேர் குணமடைந்து வீடு திரும்பியுள்ளனர்.
சேலம் மாவட்டத்தில் கொரோனாவை கட்டுக்குள் கொண்டுவர அரசு நடவடிக்கை எடுத்து வருகிறது. சேலத்தில் கொரோனா தாக்கம் உள்ள 9 இடங்கள் கண்டுபிடிக்கப்பட்டு தடுப்பு நடவடிக்கை எடுக்கப்பட்டுள்ளது.
மேலும் 1.25 லட்சம் ரேபிட் பரிசோதனைக் கருவிகளை கொள்முதல் செய்ய நடவடிக்கை எடுக்கப்பட்டுள்ளது.அதில் முதற்கட்டமாக தமிழகத்திற்கு 24 ஆயிரம் கருவிகள் வந்துள்ளன என  முதலமைச்சர்தெரிவித்தார்.
இதையெடுத்து விளைபொருட்களை விற்க செல்லும் விவசாயிகளுக்கு யாரும் எந்த தடையும் விதிக்கக் கூடாது. தமிழகத்தில் எந்தெந்த தொழிற்சாலைகள் இயங்கலாம் என்பது திங்கட்கிழமை அறிவிக்கப்படும். ரூபாய் 1000 நிவாரணத்தொகை ,குடும்ப அட்டைதாரர்களில் 98 % பேருக்கு வழங்கப்பட்டுள்ளது என கூறினார்.
சர்க்கரை ஆலைகளுக்கு கரும்பு எடுத்துச் செல்ல தடை இல்லை சர்க்கரை ஆலை இயங்கவும் தடையில்லை என்று தெரிவித்தார்.