எங்களுக்கு நெருக்கடி கொடுக்க எவனாலும் முடியாது.! அதிமுக முன்னாள் அமைச்சர் செல்லூர் ராஜூ

எங்களுக்கு எவனாலும் நெருக்கடி கொடுக்க முடியாது. அது ஆண்டவனால் கூட முடியாது. – அதிமுக முன்னாள் அமைச்சர் செல்லூர் ராஜு. 

பாஜக தலைவர் அண்ணாமலை கூறிய முன்னாள் முதல்வர் ஜெயலலிதாவுடனான ஒப்பீடு செய்து கருத்து தெரிவித்ததும், அதற்கு பதில் அளிக்கும் விதமாக, அதிமுகவினரும் கருத்து தெரிவித்து வந்தனர். இதனால், அதிமுக – பாஜக கூட்டணியில் விரிசல் எதுவும் இருக்கிறதா என்ற கேள்வி எழுந்தது.

கூட்டணி விரிசல் இல்லை :

இதற்கு நேற்று பதில் கூறிய அதிமுக முன்னாள் அமைச்சர் ஜெயக்குமார். அதிமுக – பாஜக கூட்டணியில் எந்த விரிசலும் இல்லை என கூறியிருந்தார். அதனை அடுத்து, அதிமுக முன்னாள் அமைச்சர் செல்லூர் ராஜு செய்தியாளர்களை சந்தித்து பேசினார்.

ஜெயலலிதாவுடன் ஒப்பீடு :

அவர் கூறுகையில், அம்மாவோடு (ஜெயலலிதா) ஒப்பிடுவதற்கு எங்களை பொறுத்தவரை இங்கு யாரும் இல்லை. இனி அவ்வாறு ஒருவர் உருவாகபோவதுமில்விலை. உருவாகவும் முடியாது என குறிப்பிட்டார். மேலும், பாஜக தலைவர் கூறிய கருத்துக்கள், நாங்கள் கூறிய கருத்துக்கள் எல்லாம் முடிந்துவிட்டது என கூறினார்.

பாஜக கூட்டணி :

மேலும், பிரதமர் மோடி சிறப்பாக ஆட்சி செய்கிறார். தமிழ் கலாச்சாரத்தை கொண்டு உலக அரங்கில் எடுத்து செல்கிறார். அந்த வகையில் நாங்கள் மோடியை ஆதரிக்கிறோம் என பாஜக கூட்டணி பற்றி பேசினார். மேலும், பாஜகவிடம் இருந்து இனிமேல் இது போன்ற கருத்துக்கள் வராது. இனிமேல் வந்தால் தான் அதனை பிறகு பார்த்துக்கொள்ளலாம். என கூறினார்.

அதிமுகவுக்கு நெருக்கடி : 

மேலும், எங்கள் கொள்கை வேறு ,  கூட்ட்டணி வேறு. கூட்டணி எப்போது வேண்டுமானாலும் வரும் போகும். என குறிப்பிட்ட அவரிடம், உங்களுக்கு பாஜக தேசிய தலைமையில் இருந்து ஏதேனும் அழுத்தம் கொடுக்கப்பட்டதா என கேட்கப்பட்ட போது, எங்களுக்கு எவனாலும் நெருக்கடி கொடுக்க முடியாது. அது ஆண்டவனால் கூட முடியாது. என கூறினார் அதிமுக முன்னாள் அமைச்சர் செல்லூர் ராஜு.