இனி வெட்டு ஒன்னு …! துண்டு இரண்டு தான்…! – மன்சூர் அலிகான்

எனது மகள் லைலா மீண்டும் தேர்தலில் போட்டியிடுமாறு உற்சாகமூட்டினார். இனி வெட்டு ஒன்னு, துண்டு இரண்டு தான்.

நாம் தமிழர் கட்சியில் இருந்து விலகிய மன்சூர் அலிகான், இந்த தேர்தலில் தமிழ் தேச புலிகள் என தனித்து நின்று போட்டியிடுகிறார். இவர் மற்ற அரசியல் தலைவர்களை விட, வித்தியாசமான முறையில், பிரச்சாரத்தில் ஈடுபட்டு வந்தார். இதனையடுத்து, ஒரு சில தினங்களுக்கு முன்னதாக தான் தேர்தலில் போட்டியிடவில்லை என்றும், வேட்புமனுவை திரும்ப பெற போவதாகவும் தெரிவித்திருந்தார்.

இந்நிலையில், தற்போது மீண்டும் தேர்தலில் போட்டியிட போவதாக தெரிவித்துள்ளார். இதுகுறித்து அவர் கூறுகையில், தன்னிடம் பலரும் எவ்வளவு பணம் வாங்கீனீர்கள் என்று கேட்டது தான் மனவேதனையாக இருந்தது. அதனால் தான் தேர்தலில் போட்டியிடவில்லை என்று கூறினேன். பின் எனது மகள் லைலா மீண்டும் தேர்தலில் போட்டியிடுமாறு உற்சாகமூட்டினார். இனி வெட்டு ஒன்னு, துண்டு இரண்டு தான் என தெரிவித்துள்ளார்.