பத்திரப்பதிவு கட்டணத்தை அதிகரிக்கும் எண்ணம் இல்லை – அமைச்சர் மூர்த்தி

வணிக வரித்துறையில் ரூ.1.5 லட்சம் வருவாய் ஈட்ட இலக்கு நிர்ணயம் செய்யப்பட்டுள்ளது என அமைச்சர் தகவல்.

நெல்லை மண்டலத்தில் பத்திரப்பதிவுத்துறையில் செயல்பாடுகள் குறித்த ஆய்வுக் கூட்டம் நெல்லை மாவட்ட கலெக்டர் அலுவலகத்தில் இன்று நடைபெற்றது. இதில்,  வணிகவரி மற்றும் பதிவுத்துறை அமைச்சர் மூர்த்தி கலந்து கொண்டு மண்டல அளவில் பதிவுத்துறையில் செயல்பாடுகள் குறித்து கேட்டறிந்தார்.

இதன்பின் 2023 மார்ச் மாதத்திற்குள் பதிவுத்துறை மற்றும் வணிக வரித்துறையில் ரூ.1.5 லட்சம் வருவாய் ஈட்ட இலக்கு நிர்ணயம் செய்யப்பட்டுள்ளது என்று அமைச்சர் மூர்த்தி தெரிவித்துள்ளார். பத்திரப்பதிவு செய்வதற்கான கட்டணத்தை அதிகரிக்கும் எண்ணம் தற்போதைக்கு அரசிடம் இல்லை எனவும் குறிப்பிட்டார்.