#BREAKING: ஒரு மணி நேரத்தில் கரையை கடக்கத் துவங்கும் நிவர்புயல்..!

தற்போது, நிவர் புயல் கடலூரில் இருந்து கிழக்கே 60 கிலோமீட்டர் தொலைவிலும் புதுச்சேரியில் இருந்து கிழக்கு- தென் கிழக்கே 55 கிலோமீட்டர் தொலைவிலும், சென்னைக்கு தெற்கு -தென் கிழக்கே 130 கிலோமீட்டர் தொலைவிற்கு நிவர் புயல் நிலை கொண்டுள்ளது என வானிலை ஆய்வு மையம் தெரிவித்துள்ளது. மேலும்,  நிவர் புயல் இன்னும் 1 மணி நேரத்தில் கரையை கடக்க தொடங்கும் என தெரிவிக்கப்பட்டுள்ளது.

நிவர் புயலின் நகரும் வேகம் 14 கிலோமீட்டர் வேகத்தில் இருந்து 16 கிலோ மீட்டராக அதிகரித்துள்ளது. நாகப்பட்டிணம், காரைக்கால் , கடலூர், பாண்டிச்சேரி மற்றும் சென்னையில் 18 கிலோ மீட்டர் வேகத்தில் காற்று வீசிக் கொண்டிருக்கிறது.

நாகப்பட்டினத்தில் 56 மில்லி மீட்டரும் , காரைக்காலில் 74 மில்லி மீட்டரும், கடலூரில் 123 மில்லி மீட்டரும், புதுச்சேரியில் 115 மில்லி மீட்டரும், சென்னையில் 75 மில்லி மீட்டர் மழை பெய்து வருகிறது என வானிலை ஆய்வு மையம் தெரிவித்துள்ளது.