11, 12 வகுப்பு தேர்வுக்கான புதிய மாதிரி வினாத்தாள் வெளியீடு…!!

11 மற்றும் 12ம் வகுப்புகளுக்கான புதிய மாதிரி வினாத்தாள் இணையதளத்தில் வெளியிடப்பட்டுள்ளது. 11 மற்றும் 12ம் வகுப்புகளுக்கான பொதுத்தேர்வு மார்ச் மாதம் நடைபெறவுள்ளது. இம்முறை புதிய மதிப்பெண் முறையில் வினாத்தாள்கள் அமையவுள்ளன. இந்நிலையில், 11 மற்றும் 12ம் வகுப்புகளுக்கு புதிய அமைப்பில் வடிவமைக்கப்பட்டுள்ள மாதிரி வினாத்தாள்கள் அரசு தேர்வுகள் துறையின் இணையதளத்தில் வெளியிடப்பட்டுள்ளன.

மாதிரி வினாத்தாள் வடிவமைப்பில் எந்த மாதிரியான கேள்விகள் கேட்கப்படும், எத்தனை மதிப்பெண்கள் வழங்கப்படும் போன்ற விவரங்கள் உள்ளன. வினாத்தாள் வடிவமைப்பை www.dge.tn.gov.in என்ற இணையத்தில் அரசு மற்றும் அரசு உதவிபெறும் பள்ளிகளின் தலைமை ஆசிரியர்கள் பதிவிறக்கம் செய்து மாணவர்களுக்கு தெரியப்படுத்த வேண்டும் என அரசு தேர்வுகள் துறை உத்தரவிட்டுள்ளது.