விக்கிரவாண்டி, நாங்குநேரி இடைத்தேர்தல் ! நாளை மாலை ஆலோசனை

வரும் 30-ம் தேதிக்குப்பின் இறுதி வாக்காளர் விவரம் வெளியிடப்படும் என்று தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார்.

தமிழக தலைமை தேர்தல் அதிகாரி சத்யபிரதா சாகு செய்தியாளர்களுக்கு பேட்டியளித்தார்.அப்பொழுது அவர் கூறுகையில்,  விக்கிரவாண்டி, நாங்குநேரி இடைத்தேர்தல் தொடர்பாக  2 மாவட்ட ஆட்சியர்கள், காவல்துறை அதிகாரிகளுடன் வீடியோகான்பரன்ஸ் மூலம் நாளை மாலை ஆலோசனை  நடைபெறுகிறது.வரும் 30-ம் தேதிக்குப்பின் இறுதி வாக்காளர் விவரம் வெளியிடப்படும்.

தமிழகத்தில் உள்ளாட்சி தேர்தலுக்கு, பயன்படுத்துவதற்கான மின்னணு வாக்குப்பதிவு இயந்திரங்களை மாநில தேர்தல் ஆணையம் கேட்டுள்ளது.விரைவில் இந்திய தேர்தல் ஆணையம் ஒதுக்கீடு செய்யும் என்று தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார்.