எம்.பி வசந்தகுமார் உடல் நிலை குறித்து முக ஸ்டாலின் ட்வீட்.!

கன்னியாகுமரி தொகுதி எம்.பி வசந்தகுமார் உடல் நிலை குறித்து திமுக தலைவர் மு.க ஸ்டாலின் ட்வீட்.

தமிழகத்தில் கொரோனா வைரஸின் தாக்கம் அதிகரித்து கொண்டே வருகிறது. அந்தவகையில், சட்டமன்ற உறுப்பினர்கள் பலரும் பாதிக்கப்பட்டு வந்த நிலையில், கன்னியாகுமரி தொகுதி எம்பி வசந்தகுமாருக்கும், அவரின் மனைவிக்கும் கொரோனா தொற்று உறுதிசெய்யப்பட்டுள்ள நிலையில், சென்னையில் உள்ள அப்பல்லோ மருத்துவமனையில் சிகிச்சைக்காக அனுமதிக்கப்பட்டுள்ளனர்.

இந்தநிலையில், நேற்று செய்தியாளர்களை சந்தித்த தமிழக காங்கிரஸ் தலைவர் கே.எஸ். அழகிரி, கொரோனா தொற்றால் பாதிக்கப்பட்ட கன்னியாகுமரி எம்பி வசந்தகுமாருக்கு தற்போது வென்டிலேட்டர் மூலம் சிகிச்சை அளிக்கப்பபட்டு வருகிறதாகவும், அவர் விரைவில் மீண்டு வர வேண்டும் என விரும்புகிறதாகவும் தெரிவித்தார்.

அந்த வகையில், தி.மு.க தலைவர் முக ஸ்டாலின் தனது ட்வீட்டர் பக்கத்தில் ஒரு பதிவை வெளிட்டுள்ளார் அதில், கொரோனா பாதிப்பால் சிகிச்சை பெற்றுவரும் அன்புச் சகோதரர் MP வசந்தகுமாரும் குடும்பத்தினரைத் தொடர்புகொண்டு அவரது உடல்நலன் விசாரித்தேன். அவர் விரைவில் முழுமையான உடல்நலன்பெற்று மக்கள் பணியைத் தொடர்ந்திட வாழ்த்துகிறேன் என தனது ட்வீட்டில் தெரிவித்துள்ளார் .