வங்கி தேர்வு விவகாரம்.! மதுரை எம்பி சு.வெங்கடேசன் SBI வங்கியில் உள்ளிருப்பு போராட்டம்.!

சென்னையில் எஸ்பிஐ வங்கியின் பொது மேலாளர் அறையில் எம்.பி சு.வெங்கடேசன் உள்ளிருப்பு போராட்டத்தில் ஈடுபட்டு வருகிறார். 

SBI வங்கியின் கிளார்க் காலிப்பணியிடங்களுக்காக நடத்தப்படும் முதன்மை தேர்வானது பொங்கல் பண்டிகை தினத்தன்று நடைபெற உள்ளது. இதற்கு தமிழகத்தில் கடும் எதிர்ப்பு உருவாகி வருகிறது. தேர்வு தேதியை மாற்றக்கோரி குரல்கள் வலுத்து வருகிறது.

அதன்படி, இன்று மார்க்சிஸ்ட் கம்யூனிஸ்ட் கட்சியின் சார்பில் சென்னை நுங்கம்பாக்கத்தில் , மதுரை எம்பி சு.வெங்கடேசன் தலைமையில்  100க்கும் மேற்பட்ட மார்க்சிஸ்ட் கம்யூனிஸ்ட் கட்சியினர் மற்றும் இந்திய ஜனநாயக இளைஞர் சங்கத்தினர் ஸ்டேட் வங்கி  அலுவலகத்தை முற்றுகையிட்டனர்.

மேலும் , எஸ்.பி.ஐ வங்கியின் பொது மேலாளர் ராதாகிருஷ்ணன் அறையில் எம்.பி சு.வெங்கடேசன் உள்ளிருப்பு போராட்டத்தில் ஈடுபட்டு வருகிறார்.