மதர்சன் :நொய்டாவை தளமாகக் கொண்ட ‘சம்வர்தனா மதர்சன்’ இன்டர்நேஷனல் லிமிடெட், ஒரு இந்திய பன்னாட்டு வாகன உதிரிபாக உற்பத்தி நிறுவனமாகும். சம்வர்தனா மதர்சன் குழுமம், பொதுவாக மதர்சன் என குறிப்பிடப்படுகிறது.
இது பயணிகள் கார்களுக்கான வயரிங் சேணம், பிளாஸ்டிக் பாகங்கள் மற்றும் ரியர்வியூ கண்ணாடிகளை உருவாக்குகிறது. உலகின் மிகப்பெரிய மற்றும் வேகமாக வளர்ந்து வரும் வாகன உதிரிபாக உற்பத்தியாளர்களில் ஒன்றாக வளர்ந்துள்ளது.
இந்நிறுவனம் காஞ்சிபுரம் மாவட்டம் ஸ்ரீபெரும்புதூரில் 67 ஏக்கரில் ரூ.1,800 கோடியில் எலக்ட்ரானிக்ஸ் தொழிற்சாலையை அமைக்க உள்ளதாக தகவல் வெளியாகியுள்ளது. அப்படி உருவாகினால் தொழிற்சாலையில், ஆலை கட்டுமான பணிகளின்போது 200 பேருக்கும், தொழிற்சாலை செயல்பட தொடங்கும்போது 3,500 பேருக்கும் வேலைவாய்ப்பு கிடைக்கும் எனத் தகவல் வெளியாகியுள்ளது.
இந்நிறுவனம் 1986 இல் ஜப்பானின் சுமிடோமோ குழுமத்துடன் கூட்டு முயற்சியாக நிறுவப்பட்டது. தற்பொழுது, இந்தியாவின் நொய்டாவை தளமாகக் கொண்ட இந்நிறுவனம், மதர்சன் வயரிங் சேணம், ரியர்வியூ கண்ணாடிகள், பாலிமர் செயலாக்கம், எலாஸ்டோமர்கள், காற்று உட்கொள்ளும் பன்மடங்குகள், HVAC அமைப்புகள் மற்றும் பலவற்றை தயாரித்து வருவது குறிப்பிடத்தக்கது.