நிவாரண முகாம்களில் 9 ஆயிரத்திற்கு மேற்பட்டோர் தங்க வைப்பு..!

தமிழகம் முழுவதும் 205 நிவாரண மையங்களில் 9280 பேர் தங்க வைக்கப்பட்டுள்ளதாக தமிழக அரசு தெரிவித்துள்ளது. 

மாண்டஸ் புயல் நேற்று கரையை கடந்த நிலையில், தமிழக முழுவதும் நேற்று பல மாவட்டங்களில் கனமழை பெய்தது. இந்த நிலையில், தமிழகம் முழுவதும் 205 நிவாரண மையங்களில் 9280 பேர் தங்க வைக்கப்பட்டுள்ளதாக தமிழக அரசு தெரிவித்துள்ளது.

அதன்படி, அதிகபட்சமாக விழுப்புரத்தில் 2850 பேரும், காஞ்சியில் 2236 பேரும், மயிலாடுதுறையில் 1831 பேரும், செங்கல்பட்டில் 842 பேரும், திருவள்ளூரில் 708 பேரும், சென்னையில் 318 பேரும், திருவண்ணா மலையில் 264 பேரும், கடலூரில் 183 பேரும், பெரம்பலூரில் 43 பேரும் தங்கவைக்கப்பட்டுள்ளனர்.