வாக்காளர்களுக்கு பணம் விநியோகம்: அதிமுக நிர்வாகி கைது

நாகையில்  வாக்காளர்களுக்கு பணம் விநியோகித்ததாக அதிமுக வார்டு செயலாளர் கைது செய்யப்பட்டுள்ளார்.

மக்களவை தேர்தல் இந்தியாவில் 7 கட்டமாக நடைபெற உள்ளது.இரண்டாம் கட்டமாக தமிழகத்தில் தேர்தல் ஏப்ரல் 18 -ஆம் தேதி  நடைபெற உள்ளது.தேர்தல் பறக்கும் படை ஆவணங்கள் இல்லாமல் கொண்டு செல்லும் பொருட்களை பறிமுதல் செய்து வருகின்றது.

இந்நிலையில் நாகையில்  கீரைக்கொல்லையில் வாக்காளர்களுக்கு பணம் விநியோகித்ததாக அதிமுக வார்டு செயலாளர் கைது செய்யப்பட்டுள்ளார். அதிமுக பிரமுகர் சிங்காரவேலுவிடம் இருந்து ரூ.50 ஆயிரம் மற்றும் வாக்காளர் பட்டியல் பறிமுதல் செய்யப்பட்டுள்ளது . வாக்காளர் பட்டியலை வைத்து பணவிநியோகம் செய்வதாக வந்த தகவலை அடுத்து பறக்கும்படை நடவடிக்கை எடுத்துள்ளது.