துண்டுச்சீட்டு விவகாரம்: வாய்க்கு வந்தபடி பேசக்கூடாது-தமிழிசைக்கு மு.க.ஸ்டாலின் பதிலடி

தமிழிசை, பொன்.ராதாகிருஷ்ணன், ஹெச்.ராஜா போல் வாய்க்கு வந்தபடி பேசக்கூடாது என்று திமுக தலைவர் மு.க.ஸ்டாலின் தெரிவித்துள்ளார்.

நேற்று கடலூரில் தமிழக பாஜக தலைவர் தமிழிசை செய்தியாளர்களுக்கு பேட்டியளித்தார்.அப்பொழுது அவர் பேசுகையில், ஒரு சவால் விடுகிறோம், மு.க.ஸ்டாலின் துண்டு சீட்டு இல்லாமல் ஒரு மணி நேரம் பேச முடியுமா என்று கேள்வி எழுப்பினார்.

இந்தநிலையில் இன்று நெல்லையில் திமுக தலைவர் மு.க.ஸ்டாலின் செய்தியாளர்களிடம் பேசினார்.அப்பொழுது  செய்தியாளர்கள் , துண்டு சீட்டு வைத்து பேசுவதாக பாஜக விமர்சிப்பது பற்றி  கேள்வி எழுப்பினார்கள் .இதற்கு பதில் அளித்த ஸ்டாலின் எதையும் ஆதாரத்தோடு பேச வேண்டும்.தமிழிசை, பொன்.ராதாகிருஷ்ணன், ஹெச்.ராஜா போல் வாய்க்கு வந்தபடி பேசக்கூடாது என்று மு.க.ஸ்டாலின் தெரிவித்தார்.