நடிகர் போண்டாமணியை சந்தித்து நலம் விசாரித்த அமைச்சர் மா.சுப்பிரமணியன்…!

மருத்துவமனையில் சிகிச்சை பெற்று வரும் நடிகர் போண்டாமணியை சந்தித்து நலம் விசாரித்த அமைச்சர் மா.சுப்பிரமணியன். 

சென்னை ஓமந்தூரார் அரசு மருத்துவமனையில் சிறுநீரக பிரச்சனை காரணமாக, நடிகர் போண்டாமணி அவர்கள் சிகிச்சை பெற்று  வருகிறார். இந்த நிலையில், அமைச்சர் மா.சுப்பிரமணியன் அவர்கள்,  போண்டாமணியை   மருத்துவமனையில் நேரில் சந்தித்து நலம் விசாரித்தார்.

அதனை தொடர்ந்து அவருக்கு அனைத்து உதவிகளையும் செய்வதாய் உறுதியளித்தார். பின் செய்தியாளர்களுக்கு பேட்டியளித்த அவர், சிறுநீரக பிரச்சனைக்கான அனைத்து உதவிகளும் மேற்கொள்ளப்பட்டு வருகிறது. அவருக்கு கிட்னி மாற்று அறுவை சிகிச்சை செய்ய அவரது உறவினர்கள் முன்வந்தால் அதற்கான நடவடிக்கை எடுக்கப்படும், இல்லையென்றால் கிட்னி மாற்று சிகிச்சைக்கான அனைத்து நடவடிக்கையையும் அரசு மேற்கொள்ளும் என தெரிவித்துள்ளார்.