ஆசிரியர்களுக்கான புத்தாக்க பயிற்சி ஆன்லைனில் நடத்த அமைச்சர் செங்கோட்டையன் திட்டம்!

ஆசிரியர்களுக்கான புத்தாக்க பயிற்சி ஆன்லைனில் நடத்த அமைச்சர் செங்கோட்டையன் திட்டமிட்டுள்ளார்.

கோபிசெட்டிபாளையம் அருகே தொடக்க வேளாண்மை கூட்டுறவு வங்கியின் மூலம் மலைக்கிராம மக்களுக்கு நலத்திட்ட உதவிகள் வழங்கும் நிகழ்ச்சி நடைபெற்றுள்ளது. இந்த நிகழ்ச்சியில் கலந்து கொண்ட அமைச்சர் செங்கோட்டையன் அதன் பின் செய்தியாளர்களை சந்தித்து பேசினார்.

அப்போது பேசிய அவர் விளங்கி மலைவாழ் மக்கள் கிராமத்தில் வனத்துறையின் மூலமாக பள்ளி திறக்க நடவடிக்கை எடுக்கப்படும் எனவும், ஒவ்வொரு ஆண்டும் பள்ளி ஆசிரியர்களுக்கு அளிக்கப்படக் கூடிய புத்தாக்க பயிற்சியினை ஆன்லைன் மூலம் தற்போது நடத்த முதல்வரின் ஒப்புதல் பெற்ற பின்னர் நடைமுறைப்படுத்தப்படும் என்றும் அமைச்சர் செங்கோட்டையன் கூறியுள்ளார்.