அமைச்சர் ராமச்சந்திரனுக்கு அபராதம் விதித்த உதகை நீதிமன்றம்!

திமுக – அதிமுக மோதல் வழக்கில் நீதிமன்றத்தில் ஆஜராகாததால் அமைச்சர் ராமச்சந்திரனுக்கு ரூ.10,000 அபராதம் விதிப்பு.

தமிழக அரசின் சுற்றுலாத்துறை அமைச்சர் ராமச்சந்திரனுக்கு ரூ.10,000 அபராதம் விதித்து உதகை மாவட்ட நீதிமன்றம் உத்தரவிட்டுள்ளது. கடந்த 2013ல் திமுக – அதிமுக மோதல் வழக்கில் நீதிமன்றத்தில் ஆஜராகாததால் அமைச்சர் ராமச்சந்திரனுக்கு ரூ.10,000 அபராதம் விதித்து உத்தரவிட்டார் நீதிபதி.

இந்த அபராத தொகையை ஷீரடி சாய்பாபா கோவில் மருத்துவமனைக்கு வழங்கவும் ஆணையிட்டுள்ளது. இதுபோன்று, வழக்கில் ஆஜராகாத ஓபிஎஸ் தரப்பு நீலகிரி மாவட்ட செயலாளர் பாரதியாருக்கு ரூ.10,000 அபராதம் விதிக்கப்பட்டுள்ளது. கண்டோட்மென்ட் துணைத்தலைவர் தேர்தலின் போது குன்னுர் வெல்லிங்டனில் திமுக – அதிமுகவினர் மோதிக்கொண்டனர். இதுதொடர்பான வழக்கில் ஆஜராகாததால் உதகை மாவட்ட நீதிமன்றம் அபராதம் விதித்துள்ளது.