10 மாவட்டங்களில் கனமழைக்கு வாய்ப்பு.! வானிலை ஆய்வு மையம் அறிவிப்பு.!

[Representative Image]

தமிழகத்தில் வடகிழக்கு பருவமழை நேரத்தில் பல்வேறு இடங்களில் மழை பெய்து வருகிறது. அதிலும் குறிப்பாக இரவு வேளைகளில் தான் பல்வேறு மாவட்டங்களில் கனமழை கொட்டி தீர்த்து வருகிறது. மழை நிலவரம் குறித்து இந்திய வானிலை ஆய்வு மையம் இன்று காலை ஒரு அறிவிப்பை வெளியிட்டது.

அதில், மத்திய கிழக்கு அரபிக்கடலில் உருவான காற்றழுத்த தாழ்வு நிலை, தற்போது மேலும் வலுவடைந்து உள்ளது என்றும், இதனால் அடுத்த 24 மணிநேரத்தில் கேரளா, கர்நாடகா, கோவா ஆகிய மாநிலங்களில் மழைக்கு வாய்ப்புள்ளதாகவும், அதே போல, வடக்கு வங்கக்கடலில் உருவான காற்றழுத்த தாழ்வு பகுதியானது வலுவடைந்துள்ளளது என்றும்,

வங்கக்கடல் காற்றழுத்த தாழ்வு பகுதியானது ஒடிசா, மேற்கு வங்கத்தை நோக்கி நகரும் எனவும், இதனால், ஒடிசா, மேற்கு வங்கம் மட்டுமின்றி, தமிழக்த்தில் கடலோர மாவட்டங்களிலும் மழைக்கு வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

தமிழகத்தின் மழை நிலவரம் குறித்து சென்னை வானிலை ஆய்வு மையம் கூறுகையில், தென்காசி, திருவள்ளூர், இராணிப்பேட்டை, காஞ்சிபுரம், கோவை, திருநெல்வேலி, நீலகிரி, தேனி, திண்டுக்கல், கன்னியாகுமரி ஆகிய  10 மாவட்டங்களில் அடுத்த 24 மணிநேரத்தில் கனமழை பெய்யக்கூடும் என தெரிவிக்கப்பட்டுள்ளது.

மேலும் வரும் அக்டோபர் 6ஆம் தேதி வரையில் தமிழகம், புதுச்சேரியில் மிதமான மழைக்கு வாய்ப்பு உள்ளது என்றும், அக்டோபர் 1,2 ஆகிய தேதிகளில் பல்வேறு இடங்களில் கனமழை பெய்ய கூடும் என்றும், சென்னையில் அடுத்த 24 மணிநேரத்தில் பல்வேறு பகுதிகளில் மிதமான மழைக்கு வாய்ப்பு இருப்பதாகவும் வானிலை ஆய்வு மையம் தெரிவித்துள்ளது.