அநியாயச் செயலை மதிமுக வன்மையாகக் கண்டிக்கிறது -வைகோ

அநியாயச் செயலை மதிமுக வன்மையாகக் கண்டிக்கிறது என்று வைகோ தெரிவித்துள்ளார்.

கோவை மாவட்டம்  சுந்தராபுரம் பகுதியில் உள்ள பெரியார் சிலைக்கு மர்ம நபர்கள் காவி சாயத்தை ஊற்றி அவமதிப்பு  செய்துள்ளனர். அங்கு பரபரப்பு ஏற்பட்டுள்ளது.  இதுகுறித்து போலீசார் விசாரணை மேற்கொண்டு வருகின்றனர் .இந்த சம்பவத்திற்கு தமிழக அரசியல் கட்சித் தலைவர்கள் கண்டனம் தெரிவித்து வருகின்றனர்.

இந்நிலையில் இது குறித்து மதிமுக பொதுச்செயலாளர் வைகோ வெளியிட்டுள்ள அறிக்கையில்,பெரியார் சிலை அவமதிப்பு செய்தி கேட்டு துடிதுடித்துப்போனேன்.இந்த அநியாயச் செயலை மதிமுக வன்மையாகக் கண்டிக்கிறது.அண்மைக் காலமாக அதிமுக ஆட்சியில் பெரியாரின் உருவச் சிலைகள் தகர்க்கப்படுவதும், தாக்கப்படுவதும், சிதைக்கப்படுவதும், இழிவு செய்யப்படுவதும் தொடர் நிகழ்வாகவே நடந்து வருகிறது.இதற்கு முற்றுப்புள்ளி வைக்காதது கேவலம் என்று தெரிவித்துள்ளார்.

பெரியார் சிலை மீது காவி் சாயம் வீசப்பட்ட விவகாரம் தொடர்பாக பாரத்சேனா அமைப்பின் தெற்கு மாவட்ட அமைப்பாளர் அருண் கிருஷ்ணன் என்பவர் போத்தனூர் காவல் நிலையத்தில் சரணடைந்துள்ளார் என்பது குறிப்பிடத்தக்கது.

 !