உள்ளாட்சித் தேர்தல் : திமுக – காங்கிரஸ் தலைவர்கள் ஆலோசனை

• தமிழகத்தில் ஊரக உள்ளாட்சிகளுக்கு வருகின்ற 27 மற்றும் 30 ஆகிய தேதிகளில் தேர்தல் நடைபெறுகிறது.
• உள்ளாட்சித் தேர்தல் குறித்து திமுக தலைவர் மு.க.ஸ்டாலினுடன் காங்கிரஸ் தலைவர்கள் ஆலோசனை மேற்கொண்டனர்.

தமிழகத்தில் ஊரக உள்ளாட்சிகளுக்கு மட்டும் வருகின்ற 27 மற்றும் 30 ஆகிய தேதிகளில் தேர்தல் நடைபெறுகிறது.இதற்கான வேட்புமனு தாக்கல் கடந்த 9 ஆம் தேதி முதல் தொடங்கிய நிலையில் டிசம்பர் 16 ஆம் தேதி வரை நடைபெறுகிறது.இதற்கு இடையில்  திமுக உள்ளிட்ட கூட்டணி கட்சிகளின் சார்பாக தேர்தல் அறிவிப்பாணையை ரத்து செய்யக்கோரிய வழக்கில்,2011 மக்கள் தொகை கணக்கெடுப்பு அடிப்படையில் உள்ளாட்சித் தேர்தலை நடத்த வேண்டும் என்று உச்சநீதிமன்றம் தீர்ப்பு அளித்தது.இதனை தொடர்ந்து கட்சிகள் அனைத்தும் தீவிரமாக உள்ளாட்சித் தேர்தலுக்கான பணிகளை மேற்கொண்டு வருகிறது.

இந்த நிலையில்  உள்ளாட்சித் தேர்தலில் தொகுதி பங்கீடு குறித்து சென்னை அண்ணா அறிவாலயத்தில் திமுக தலைவர் மு.க.ஸ்டாலினுடன் காங்கிரஸ் தலைவர்கள் ஆலோசனை மேற்கொண்டனர்.இந்த ஆலோசனை கூட்டத்தில் காங்கிரஸ் சார்பில் அக்கட்சியின் தமிழக தலைவர் கே.எஸ்.அழகிரி,தங்கபாலு உள்ளிட்ட தலைவர்கள் பங்கேற்றனர்.