Live : நடிகர் மனோஜ் பாரதிராஜா மறைவு முதல்.., தமிழக சட்டப்பேரவை நிகழ்வுகள் வரை…

சென்னை : தமிழ் சினிமாவில் புகழ்பெற்ற இயக்குனர் பாரதிராஜாவின் மகனும், நடிகருமான மனோஜ் பாரதிராஜா நேற்று மாரடைப்பு காரணமாக திடீரென உயிரிழந்தார். இவரது மறைவுக்கு நேற்று முதலே பல்வேறு திரைபிரபலங்கள் நேரில் வந்து அஞ்சலி செலுத்தி வருகின்றனர். முதலமைச்சர் மு.க.ஸ்டாலின், அதிமுக பொதுச்செயலாளர் எடப்பாடி பழனிச்சாமி என பல்வேறு அரசியல் தலைவர்களும் இரங்கல் தெரிவித்து வருகின்றனர்.

தமிழ்நாடு நிதிநிலை அறிக்கை மீதான விவாதத்திற்கு தமிழக சட்டபேரவை கூட்டத்தொடர் இன்று காலை வழக்கம் போல தொடங்கியுள்ளது. இதில் உறுப்பினர்களின் கேள்விக்கு அந்தந்த துறை அமைச்சர்கள் பதில் அளித்து வருகின்றனர். நேற்றைய கூட்டத்தில் முதலமைச்சர் மு.க.ஸ்டாலின் டெல்லி சென்ற எடப்பாடி பழனிச்சாமி பற்றி பேசி இருந்தார் என்பது குறிப்பிடத்தக்கது.

நேற்று , டெல்லியில் மத்திய அமைச்சர் அமித்ஷாவை அதிமுக பொதுச்செயலாளர் எடப்பாடி பழனிசாமி மற்றும் அதிமுக முன்னாள் அமைச்சர்கள் சந்தித்து பேசியுள்ளனர். இது அதிமுக – பாஜக கூட்டணிக்கு அடித்தளமாக அமையும் என அரசியல் வட்டாரத்தில் பேச்சுக்கள் எழுந்துள்ளது.

FirstPrev

1 of 1

NextLast

மணிகண்டன்

கியாஸ் தட்டுப்பாடு?

நாளை முதல் எல்பிஜி கியாஸ் சிலிண்டர் டேங்கர் லாரிகள் இயங்காது என தென்மாநில எல்பிஜி டேங்கர் லாரி சங்கத்தினர் அறிவித்துள்ளதால் தமிழ்நாட்டில் கியாஸ் தட்டுப்பாடு ஏற்படும் அபாயம் எழுந்துள்ளது.

மணிகண்டன்

அழுதபடி வந்த S.J.சூர்யா :

மறைந்த நடிகர் மனோஜ் பாரதிராஜா உடலுக்கு நேரில் அஞ்சலி செலுத்த வந்த நடிகர் எஸ்.ஜே.சூர்யா, அழுதபடி மாலையுடன் வந்தார் . இருவரும் மாநாடு படத்தில் ஒன்றாக நடித்திருந்தனர் என்பது குறிப்பிடத்தக்கது.

மணிகண்டன்

அமெரிக்க தேர்தல் திருத்தம் ;

அமெரிக்க தேர்தல் வாக்குப்பதிவு முறைகளில் சில குளறுபடிகள் உள்ளதாகவும் அதில் சில முக்கிய திருத்தங்களை அதிபர் டிரம்ப் தெரிவித்துள்ளார்.  

மணிகண்டன்

கூட்டணி பேசவில்லை

டெல்லியில் அமித்ஷா உடனான சந்திப்பில் கூட்டணி பற்றி பேசவில்லை. மக்கள் பிரச்சனை குறித்து பேசுவதற்காக தான் சென்றோம் என அதிமுக பொதுச்செயலாளர் எடப்பாடி பழனிச்சாமி கூறியுள்ளார்.

பால முருகன்

ரூ.2.59 கோடி நிதி ஒதுக்கீடு!

ஆவுடையார்கோவிலில் தீயணைப்பு மற்றும் மீட்புப் பணி நிலையத்திற்கு புதிய கட்டடம் கட்டுவதற்காக ரூ.2.59 கோடி நிதி ஒதுக்கீடு செய்யப்பட்டுள்ளது. இந்தக் கட்டடப் பணிகள் வரும் மே மாதத்தில் தொடங்கப்படும் என்று திட்டமிடப்பட்டுள்ளது. மேலும், இந்தப் பணிகள் முடிவடைந்து, அடுத்த ஆண்டு (2026) பிப்ரவரி மாதத்தில் இந்த தீயணைப்பு நிலையக் கட்டடம் திறக்கப்படும் என முதல்வர் ஸ்டாலின் தகவல்

பால முருகன்

வைகோ இரங்கல்!

என்னுடைய தம்பி கருப்பசாமி பாண்டியன் உருவம்தான் கருப்பு. உள்ளமோ வெள்ளை” என்று மக்கள் திலகத்தால் பாராட்டிப் போற்றப்பட்டவர், அவருடைய மறைவு வேதனை அளிக்கிறது என அதிமுக முன்னாள் எம்எல்ஏ கருப்பசாமி பாண்டியன் மறைவுக்கு மதிமுக பொதுச்செயலாளர் வைகோ இரங்கல் தெரிவித்துள்ளார்.

பால முருகன்

முதல்வர் பேச்சு!

திமுக ஆட்சிக்கு வந்த 2021 ஆம் ஆண்டிலிருந்து இதுவரை 72 புதிய காவல் நிலையங்கள் உருவாக்கப்பட்டுள்ளன. அதே சமயம் 23 தீயணைப்பு மற்றும் மீட்புப் பணிகள் நிலையங்கள் அறிவிக்கப்பட்டு, திறந்து வைக்கப்பட்டு, செயல்பட்டு வருகின்றன. அது மட்டுமின்றி, காவல்துறை மானிய கோரிக்கை தாக்கல் செய்யப்படும் போது சட்டமன்ற உறுப்பினர்கள் திருப்தியடையும் வகையில் அறிவிப்புகள் வரும்” எனவும் முதல்வர் ஸ்டாலின் பேசியுள்ளார்.

மணிகண்டன்

உடலை கவனியுங்கள்

கலைஞர்கள் தங்கள் உடலை கவனித்துக்கொள்ள வேண்டும். மனோஜின் மரணம் அதனை கற்பித்து விட்டு செல்கிறது என மனோஜ் உடலுக்கு அஞ்சலி செலுத்திய பிறகு கவிஞர் வைரமுத்து பேட்டி அளித்துள்ளார்.

மணிகண்டன்

சுருக்கும்டி வலை :

சிறு மீனவர்களின் வாழ்வாதாரத்தைப் பாதிக்கும் தடை செய்யப்பட்ட சுருக்குமடி வலையைப் பயன்படுத்தி மீன் பிடித்த பூம்புகார் பகுதி மீனவர்கள் 7 பேரை நாகை மீன்வளத்துறை அதிகாரிகள் பிடித்துள்ளனர்.

மணிகண்டன்

எல்லாம் நன்மைக்கே :

அமித்ஷா – இபிஎஸ் சந்திப்பு குறித்த கேள்விக்கு பதில் அளித்த ஓ.பன்னீர்செல்வம், “எல்லாம் நன்மைக்கே” எனக் கூறினார்.

மணிகண்டன்

விஜய் அஞ்சலி :

நடிகர் மனோஜ் பாரதிராஜா மறைவை அடுத்து அவரது உடலுக்கு தவெக தலைவர் விஜய் நேரில் சென்று அஞ்சலி செலுத்தினார்.

FirstPrev

1 of 1

NextLast