Live : ஃபெஞ்சல் புயல் பாதிப்புகள் முதல்… நாடாளுமன்ற குளிர்கால கூட்டத்தொடர் வரை..

மீட்புப் பணிகளில் தொய்வு :

திருவண்ணாமலை தீபமலையில் ஏற்பட்ட மண் சரிவில் சிக்கியவர்களை மீட்கும் பணிகள் தொடர்ந்து நடைபெற்றுவருகிறது. மழை இடையிடையே பெய்வதால் மீட்புப் பணிகளில் தொய்வு ஏற்பட்டுள்ளது

நீர் இருப்பு:

நீர்பிடிப்பு பகுதிகளில் பெய்து வரும் தொடர் மழை காரணமாக பிச்சாட்டூர் அணைக்கு வரும் நீரின் அளவு விநாடிக்கு 3,000 கன அடியாக அதிகரித்துள்ளது. 1.85 டி.எம்.சி கொள்ளளவு கொண்ட அணையில், 1.54 டி.எம்.சி நீர் இருப்பு உள்ளது.

முதலமைச்சர் மு.க.ஸ்டாலின்:

விழுப்புரம் மாவட்டத்தில் ஃபெஞ்சல் புயலின் சேதங்களை பார்வையிட்ட முதலமைச்சர் மு.க.ஸ்டாலின் செய்தியாளர்களை சந்தித்தார்.

தமிழ்நாடு சட்டப்பேரவை கூட்டத்தொடர்:

தமிழ்நாடு சட்டப்பேரவை கூட்டத்தொடர் டிசம்பர் 9 மற்றும் 10 நாட்களில் நடைபெறும். சென்னை தலைமைச் செயலகத்தில் நடந்த அலுவல் ஆய்வுக்கூட்டத்தில் ஆலோசனை மேற்கொண்ட பிறகு, சபாநாயகர் அப்பாவு இந்த தகவலை பகிர்ந்து கொண்டார்.

பல்வேறு ரயில்கள் ரத்து :

கடும் மழை வெள்ளம் காரணமாக தெற்கு மற்றும் டெல்டா பகுதிகளிலிருந்து சென்னை வரும் பெரும்பாலான ரயில்கள் திருப்பிவிடப்பட்டுள்ளன. அதேபோல சென்னையிலிருந்து தென் மாவட்டங்களுக்கு செல்லும் பகல் நேர விரைவு ரயில்களும் ரத்து செய்யப்பட்டுள்ளன. இதனால் பயணிகள் சிரமத்திற்குள்ளாகி உள்ளனர்

முதல்வர் இன்று தேர்வு :

சமீபத்தில் நடந்து முடிந்த மஹாராஷ்டிர மாநில சட்டமன்றத் தேர்தலில் மகாயுதி கூட்டணி அமோக வெற்றிப் பெற்ற சூழலில், அம்மாநிலத்தின் புதிய முதல்வர் இன்று தேர்வு செய்யப்பட உள்ளதாக காபந்து முதல்வர் ஏக்நாத் ஷிண்டே தெரிவித்துள்ளார்.

நாடாளுமன்றத்தில் தி.மு.க நோட்டீஸ்:

தமிழகத்தை புரட்டிப்போட்ட ஃபெஞ்சல் புயல் மற்றும் அதனால் ஏற்பட்ட கனமழை மற்றும் வெள்ள பாதிப்புகள் குறித்து மக்களவையில் விவாதிக்க அனுமதிக்க கோரி திமுக எம்.பி டி.ஆர் பாலு ஒத்திவைப்பு தீர்மான நோட்டீஸ் வழங்கியுள்ளார்.

தங்கம் விலை குறைவு:

சென்னையில் ஆபரணத் தங்கத்தின் விலை சவரனுக்கு ரூ.480 குறைந்துரூ.56,720க்கும், ஒரு கிராம் ரூ.7,090க்கும் விற்பனை செய்யப்படுகிறது.

மேலும் ஓரிடத்தில் நிலச்சரிவு: