அரசு அலுவலகங்களில் தமிழை பயன்படுத்த சட்டத்திருத்தம் : மு.க.ஸ்டாலின்

மக்களைவை தேர்தல் இடைத்தேர்தலையொட்டி, திமுக தலைவர் மு.க.ஸ்டாலின் தேர்தல் அறிக்கையை வெளியிட்டுள்ளார். கடந்த 5 ஆண்டுகளில் பாஜக ஆட்சியில் நாட்டின் பொருளாதாரம் வீழ்ச்சி அடைந்துவிட்டது. தமிழக அரசின் கடன் பலமடங்கு உயர்ந்துள்ளதாக தெரிவித்துள்ளார்.

தமிழக அரசின் மோசமான நிர்வாகத்தால் வேலையில்லா திண்டாட்டம் அதிகரித்துள்ளது என தெரிவித்துள்ளார். வேளாண்துறைக்கு தனி பட்ஜெட்டை நாடாளுமன்றத்தில் தாக்கல் செய்ய நடவடிக்கை எடுக்கப்படும் என்று தெரிவித்துள்ளார்.

மேலும், அவர் வெளியிட்ட அறிக்கையில், மத்திய, மாநில அரசு ஊழியர்களுக்கு பழைய ஓய்வூதிய திட்டம் கொண்டு வரப்படும் என்றும் அவர் தெரிவித்துள்ளார்.

இதனையடுத்து, தமிழ்நாட்டில் உள்ள மத்திய அரசு அலுவலகங்களில் தமிழை பயன்படுத்த சட்டம் திருத்தம் செய்யப்படும் மு.க.ஸ்டாலின் தனது தேர்தல் அறிக்கையில் தெரிவித்துள்ளார்.